Ferstappen nəciblik göstərdi
“Red Bull”un pilotu, ikiqat dünya çempionu Maks Ferstappen onu sərt tənqid edən “Sky Sports” kanalını bağışlayıb.
"Football-plus.az" xəbər verir ki, adı çəkilən telekanalda çalışan Tedd Kravits niderlandlı sürücünün ötənilki çempionluğunu “oğurluq” adlandırmış, buna görə də “Red Bull” komanda olaraq, Meksikada “Sky Sports”a müsahibə verməyərək boykot etmişdi. Lakin növbəti mətbuat konfransında Ferstappen bu kanalın “Formula-1” üzrə ixtisaslaşan şərhçisi Devid Kroftun sualına cavab verib. Niderlandlı pilot daha sonra “Sky Sport” ilə olan problemə də toxunub: “Bu halı diqqət mərkəzinə gətirmək istədik. İndi isə yolumuza davam etməliyik”.
