Ferstappen Peresin “Red Bull”dan getməsini istəyir?
“Formula-1” üzrə dünya çempionatında mövsüm bitəndən sonra da xəbərlərin ardı-arası kəsilmir.
Bu idman növü üzrə mötəbər qaynaqlardan sayılan “F1-Insider” xəbər verir ki, “Red Bull”un pilotu Maks Ferstappen komanda yoldaşı Serxio Peresin getməsində maraqlıdı:
“Bizə məlumdu ki, Ferstappen indiki komanda yoldaşı ilə xoşbəxt deyil. O, Daniel Rikkyardonun dönüşünü arzulayır. Avstraliyalı “Maklaren”dən gedəndən sonra 2023-də “Red Bul”a ehtiyat pilot kimi qoşulacaq və Əbu-Dabi mərhələsi zamanı Ferstappenlə mehriban ünsiyyət qururdu. Bundan başqa, o, 2016-18 aralığında artıq niderlandlı ilə birgə çıxış edib”.
Xatırladaq ki, Braziliya mərhələsindən sonra Avstriya komandasının pilotları arasında münaqişə olması ilə bağlı xəbərlər gəzirdi. Onda niderlandlı komandadan gələn əmrə baxmayaraq, mövqeyini meksikalıya verməkdən boyun qaçırmışdı. Sonradan KİV məlumat verdi ki, Ferstappen bu yolla Monako “Qran-pri”sindəki qəzaya görə Peresdən qisas almaq istəyib. Orda guya meksikalı qəsdən bolidini qırmış və komanda yoldaşının ən sürətli dövrə göstəricisinə mane olmuşdu.
25 yaşlı Ferstappen 2022 mövsümünü də zirvədə bitirib, yəni ardıcıl 2-ci dəfə dünya çempionu olub. 32 yaşlı meksikalı isə “Ferrari” pilotu Şarl Leklerdən cəmi 4 xal geri qalmaqla 3-cü yeri tutub. Yeri gəlmişkən, Ferstappenin “Red Bull” ilə müqaviləsinin müddəti 2028-ci ilin sonunda bitəcək.
“Formula-1” dünyası ilə bağlı daha bir maraqlı xəbər budu ki, amerikalı pilot Loqan Sarcent 2023-də “Uilyams”ın şərəfini qoruyacaq. 21 yaşlı pilot gələn mövsüm Aleks Albonun komanda yoldaşı olacaq. Sercant “Formula-2”də 2022 mövsümünü 4-cü yerdə bitirib və superlisenziya almaq üçün zəruri olan balı toplayıb. O, “Uilyams”da Nikolya Latifini əvəz edəcək.
Digər xəbərlər
