AÇ-2024-ün seçmə turnirinin Cəbəllütariqlə oyunu Kilian Mbappe üçün əlamətdar olub.

“Football-plus.az” xəbər verir ki, o, Fransa yığmasının 14:0 hesabı ilə qalib gəldiyi matçda het-trik etməklə karyerasında 300-cü qolunu vurub. Mbappe bunu 24 yaşında bacarıb. “Opta Sport” statistik portalının məlumatına görə, Kilian bununla 300 qol həddinə 25 yaşına çatan Lionel Messi, Kriştiano Ronaldo və Neymarı arxada qoyub. O, həm də milli formada 46-cı qolunu vurub və Antuan Qrizmannı (44) qabaqlayaraq komandanın bombardirlərinin siyahısında 3-cü yerə yüksəlib.