Ölkə kibokunda 2023/24 mövsümünə 1-ci təsnifat mərhələsinin 3 oyunu ilə start verilib.

"Football-plus.az" xəbər verir ki, “Lerik” “Füzuli”ni (1:0), “Şahdağ Qusar” "Qusar"ı (0:0, penaltilərlə 5:4), “Göygöl” isə “Dinamo”nu (2:1) məğlub edib.

Beləliklə, “Lerik”, "Şahdağ Qusar" və "Göygöl" II təsnifat mərhələsinə vəsiqə əldə ediblər. Həmin raundda “Lerik” evdə “Sumqayıt”la, “Şahdağ Qusar” doğma arenasında “Qaradağ Lökbatan”la, “Göygöl" isə səfərdə “Turan Tovuz”la qarşılaşacaq. II raundun görüşləri 28-30 noyabr tarixlərində baş tutacaq.

Qeyd edək ki, 1-ci təsnifat mərhələsinin digər oyunları noyabrın 19-20-də keçiriləcək.