AÇ-2024-ün seçmə mərhələsinin sonuncu turunda Belçika ilə üz-üzə gələcək millimiz səfərə yollanıb.

"Football-plus.az" xəbər verir ki, yığma üzvləri çarter reysi ilə sözügedən ölkəyə gediblər.

AFFA-nın baş katibi Sərxan Hacıyev, vitse-prezident Vaqif Sadıqov, İcraiyyə Komitəsinin üzvü İsgəndər Cavadov, Peşəkar Futbol Liqasının prezidenti Elxan Səmədov və "Qəbələ"nin prezidenti Fariz Nəcəfov da səfərə yollanıb.

Qeyd edək ki, Azərbaycan millisi ötən gün Bakıda İsveçi üç cavabsız qolla üstələyib. Noyabrın 19-da reallaşacaq Belçika - Azərbaycan görüşü Bakı vaxtı ilə saat 21.00-da başlayacaq.