“Qarabağ” üçün ağır oyunlardan biri olacaq. Bakıdakı qarşılaşmada böyükhesablı qələbə qazansaq da, ilk hissədə rəqibin nə qədər güclü olduğunu gördük. Bu baxımdan Fransadakı görüşün çətin keçəcəyini düşünürəm. Qrupdan çıxmaq şansımız çoxdu. Ümid edirəm ki, ən azı ikinci yeri təmin edə biləcəyik. Topladığımız xallar imkan verir ki, buna ürəkdən inanaq. “Nant”ın şansı var. Düşünürəm ki, rəqib öndə pressinq etməyə çalışacaq. Ölkə çempionatında komandanın işləri yaxşı getmir. Lakin “Qarabağ”a qarşı yaxşı nəticə əldə etməyə çalışacaqlar. İlk görüşdə 5-li müdafiə ilə oynayırdılar. Bu gün isə, ola bilsin, 4 arxa xətt oyunçusuna keçib, irəlidə daha çox qüvvə ilə oynasınlar. Beləcə, ağdamlılar üçün əks-hücumlarda qol vurmaq şansı yaranacaq. Təmsilçimizin heyətində Ramil Şeydayev, Abdulla Zubir, Kadi Borges, Kvabena Ovusu kimi texnikalı oyunçular var. Həmin futbolçuların hamısı birəbir mübarizədə çox yaxşıdı. “Qarabağ”ın bu hücum potensialının qarşısını almaq çətindi. Amma müdafiədə də sayıqlığı itirməmək lazımdı. “Nant”ın hücumameyilli oyunçuları güclüdü. Lakin bunu bacaracağımıza inanıram. 1 xal belə qazansaq, qrupdan çıxmaq üçün kifayət edəcək”.