Misli premyer-liqasının 13-cü turunda da maraqlı nəticələr qeydə alındı.

Həftənin ilk oyunu “Dalğa Arena”da keçirildi. Mövsümün sürpriz komandası “Araz-Naxçıvan” baş məşqçisiz “Kəpəz”lə qarşılaşırdı. Çoxları naxçıvanlıların rahat qələbə qazanacağını gözləsə də, “Kəpəz” sensasiyaya imza atdı. Gəncəlilər Nianenin yeganə qolu ilə meydandan qalib ayrıldı.

Şənbə günü ilk oyun Bakıda keçirildi. “Neftçi” “Sumqayıt”ı qəbul edirdi. Flaqmanın sosial şəbəkə hesabında paylaşdığı “işıqları söndürün, seks başladı” videosu komandaya baha başa gəldi. Düzdü, hesabı bakılılar açdı. Lakin Samir Abasovun rəhbərlik etdiyi kollektiv böyük şücaət göstərərək geridönüş edə bildi. Matç “kimyaçılar”ın 2:1 hesablı qələbəsi ilə başa çatdı.

Günün ikinci oyunu Tovuzda keçirildi. “Turan Tovuz” “Sabah”ı qəbul edirdi. Bu maraqlı qarşılaşmada bütün qollar ilk hissədə vuruldu. Davit Volkov 26 dəqiqə ərzində dubl edərək komandasını önə keçirdi. Lakin “boz qurd” toparlanmağı bacardı. Meydan sahibləri 2 dəqiqə ərzində hesabı bərabərləşdirdi. Fərid Nəbiyev penaltidən fərqləndi. Bruno Qonçalveş isə rəqibin qapısı önündəki qarışıqlıqdan istifadə etdi. Lakin oyunun qəhrəmanı olan Davit Volkov 42-ci dəqiqədə het-trikini rəsmiləşdirərək komandasına qələbə qazandıran qolu vura bildi.

Bazar günü ilk oyun Zirədə keçirildi. Yerli komanda turnir cədvəlində sonuncu olan “Qəbələ” ilə qarşılaşırdı. Gərgin keçən görüşün taleyini 1 qol həll etdi. Minimal hesablı qələbələri sevən Rəşad Sadıqovun komandasını Qismət Alıyev sevindirdi. Kapitanın 65-ci dəqiqədə yerinə yetirdiyi penalti dəqiq oldu. “Qartallar” liderliyi davam etdirir.

Həftənin son matçı Tofiq Bəhramov adına Respublika stadionunda keçirildi. “Qarabağ” çempionatın güclü komandalarından “Səbail”lə üz-üzə gəldi. Artıq 8-ci dəqiqədə Toral komandasını önə keçirdi. İlk hissənin sonlarında “köhlən atlar” fərqi artırdı. Benzya maraqlı kombinasiyanın dəqiq zərbə ilə tamamladı. 2-ci hissə də “köhlən atlar”ın sürətli hücumlarıyla başladı. Son çempion 54-cü dəqiqədə hesabı 3:0 etdi. Bu dəfə premyer-liqanın bombardiri Juninyo fərqləndi. “Səbail”in bu qollardan yalnız birinin əvəzini çıxmağa gücü çatdı. Beləliklə, “Qarabağ” “dənizçilər”dən ilk dövrədəki məğlubiyyətin əvəzini çıxa bildi.

Misli premyer-liqası
2-ci dövrə, 13-cü tur
10 noyabr
Araz-Naxçıvan – Kəpəz 0:1
11 noyabr
Neftçi - Sumqayıt 1:2
Turan Tovuz – Sabah 2:3
12 noyabr
Zirə - Qəbələ 1:0
Qarabağ – Səbail 3:1
1. Zirə 13 8 3 2 13-7 27
2. Qarabağ 13 8 2 3 31-12 26
3. Sumqayıt 13 6 3 4 14-14 21
4. Səbail 13 6 3 4 22-21 21
5. Araz-Naxçıvan 13 6 2 5 15-14 20
6. Neftçi 13 5 3 5 14-12 18
7. Sabah 13 4 4 5 18-17 16
8. Turan Tovuz 13 4 3 6 21-18 15
9. Kəpəz 13 2 3 8 7-24 9
10. Qəbələ 13 2 2 9 7-23 8
Bombardirlər: Olavio Juninyo (Qarabağ) – 10, Aleksandr Ramalinqom (Səbail) – 6, Pedro Nuno (Səbail) – 5.
Növbəti turun oyunları
24 noyabr, 20.00. Sabah – Qarabağ
25 noyabr, 16.00. Qəbələ - Turan Tovuz
25 noyabr, 18.30. Səbail – Kəpəz
26 noyabr, 15.30. Neftçi – Araz-Naxçıvan
26 noyabr, 18.00. Sumqayıt – Zirə

İLKİN SULTANLI