Misli premyer-liqasının 4-ü turunda "Zirə" səfərdə "Səbail"i məğlub edib - 2:1.

"Football-plus.az" xəbər verir ki, oyundan sonra "dənizçilər"in baş məşqçisi Şahin Diniyev media nümayəndələrinin önünə çıxıb. Sizi mütəxəssisin fikirləri ilə tanış edirik:

- Bu gün "Səbail"in ən zəif yeri müdafiə idi...

- Deməzdim ki, müdafiə zəif idi. Sadəcə, kiçik səhv etdik və rəqib də bunu bağışlamadı. Müdafiəçilərimiz səviyyəlidi. Anlaşma cəhətdən problem var. Oyundan-oyuna artıracağıq.

- Yeni futbolçu transfer etmək fikriniz var?Çünki ehtiyatdan meydana girib oyunun taleyini dəyişəcək, hədəflər uğurunda mübarizə aparacaq oyunçular yoxdu...

- Sizinlə razılaşıram Biz yolun başlanğıcındayıq. Düşünürəm ki, bizim legionerlər pis deyil. Oyunçularıma inanıram. Bizim irəlidə olan oyunçularımız bu gün müdafoə də çox iş gördülər. Ehtiyatda əyləşən oyunçularıma da inanıram. Gələn oyun hücumda daha yaxşı olacağıq.

- Qolun müəllifini əvəzlədiniz. Əvvəlcədən planınızda var idi?

- Orta xəttə boşluqlar olduğu üçün oyunumuz getmirdi. Futbolçular əlaqələrini itirmişdilər. Pana və Yadinin bir-birini yaxşı anlamaması, birinin düşüb, digərinin qalxması vacib idi. Ancaq eyni zamanda ikisi də düşürdü, ikisi də qalxırdı. Ona görə də ilk yarıda oyunumuz yaxşı keçmədi. Dəyişiklikdən sonra ortadakı boşluqlar düzəldi. Matçın 15-ci dəqiqəsində artıq əvəz etməyə əl atmaq istəyirdim. Sadəcə, Yadinə bir az da şans verdim, o da qol vurdu. Amma sistem pozulmuşdu, onu düzəltmək üçün əvəzetməyə əl atdım.

- Növbəti oyununuz "Turan Tovuz"ladı. Bu oyun haqda nə deyə bilərsiz?

- Bu oyunla bağlı düşüncələrim müsbətdi. Onların xal ehtiyatı yaxşıdı. Buna görə də rahatdılar. Lakin tovuzlular da bizim kimi tam formada deyillər. Tovuzdan yaxşı nəticə ilə qayıtmaq şansımız var.