Misli premyer-liqasının 13-cü turunda "Neftçi" öz meydanında "Sumqayıt"a məğlub oldu - 1:2.

"Football-plus.az" xəbər verir ki, oyundan sonra "ağ-qaralar"ın baş məşqçisi Adrian Mutu media nümayəndələrinin önünə çıxıb. Sizi əvvəlcə mütəxəssisin fikirləri ilə tanış edirik:

- Bizim üçün çətin oyun oldu. Matça istədiyimiz kimi başladıq. İkinci yarıda rəqib komanda qapımıza qollar vurdu. Sonluq da hamıya bəllidi.

- Matçdan öncə "Neftçi"nin qalib gələcəyini ehtimal edənlər çox idi. Qələbə üçün nə çatmadı, nədən narazı qaldınız?

- Bilmirəm, sizə nə deyim. Amma hər zaman məqam gəlir ki, qalib gələk, bir addım da irəli gedək. Bunu bacara bilmirik. Hələ də başa düşə bilmirəm ki, necə olur, bu komanda səfərdə qalib gəlir, evdə bunu təkrarlaya bilmirik. Başa sala bilmirəm, nə baş verir. Səfərdə 14 xal qazanmışıq, evdə qalib gələ bilmirik. Halbuki, həm ev, həm də səfərdə tələblərimiz eyni olur. Deyəsən, evdə azarkeş amili rol oynayır. Deyim ki, təzyiq var, bu da yoxdu. Çalışacağıq ki, bunların öhdəsindən gələk. Səfər oyunlarında işləri istədiyimiz kimi alındıra bilirik. Xüsusən də, təcrübəli oyunçulardan, hücumdakı futbolçulardan daha artığını gözləyirəm. Oyunboyu duellərin hamısında uduzduq. Bəlkə də onun nəticəsində məğlub olduq.

- Adrian Mutunun "Neftçi" azarkeşlərinə hansı sözü, necə mesajı var? Onlar sizdən işıq, stimul gözləyir. Təxmini vaxt verə bilərsiz ki, işlər daha yaxşı olacaq?

- Demişdim ki, yeni komanda qurulur, yeni komandada enişli-yoxuşlu gedir hər şey, nəticələr də fərqli ola bilər. Hazırda başa düşə bilmirəm ki, nə baş verir. Ev və səfər oyunlarımız arasında böyük fərq var. Əksinə olmalıdı. Çünki evdə oynayırsan, doğma meydançandır, özünü daha çox qorunmuş hesab etməlisən. Məni bu amil narahat edir. Futbolçuları da həmçinin. Onlar başa düşməlidir ki, "Neftçi" kimi komandada oynayırlarsa, daha çoxunu verməlidirlər. Görünür ki, bu, kifayət etmir.

- Azər Əliyev Samir Abasovla insident yaşandı. Sizə elə gəlmir ki, oyun planından əvvəl intizam yaratmalısız komandada?

- Mənim oyunçularım Samir Abasov tərəfindən davamlı olaraq təhqir olunurdu.Bu, ucuz şoudur, şərh etmək istəmirəm. İlk dəfə deyil ki, təkrarlanır. Sumqayıtda da rəqibin baş məşqçisi belə edirdi. Baş məşqçidir, nümunə olmalıdır oyunçulara. Rəqibə təhqirdən istifadə etməməlidi. Futbol fair-pleyi sevir. Qalib də gəlmək olar, uduzmaq da. Əsas odur ki, bunu necə edirsən.

- Siz ulduz futbolçu olmusuz, "Neftçi" də sovetlərdən bu yana tarix yazmış klubdu. Bunun hormoniyasından hələ ki, ortada bir şey çıxmır...

- Hamı bilir ki, biz mövsümə necə başlamışıq. Mənə vaxt lazım idi ki, liqanı tanıyım, çempionatla tanış olam. Məsuliyyəti tam olaraq öz üzərimə götürürəm. Hamının gözləntiləri çoxdur. Bizim istəklərimiz də daha çoxdur. Edə biləcəyimiz yeganə məsələ işləməkdi. Bu vəziyyətdən dönüş yarada bilərik.

- Azarkeşlərinizin istefaya səsləməsi sizi ruhdan salmırki?

- Onlar öz fikirlərini ifadə etməkdə sərbəstdirlər. Bu barədə bir söz deyə bilmərəm. Əgər kimsə düşünür ki, ən böyük problem məndədi, onlar fikirlərini ifadə etməkdə sərbəstdilər. Bütün məsuliyyəti üzərimə götürürəm.