Misli premyer-liqasının 7-ci turunda "Sumqayıt" öz meydanında "Turan Tovuz"la qolsuz heç-heçə etdi - 0:0.

"Football-plus.az" xəbər verir ki, oyundan sonra "kimyaçılar"ın məşqçisi Mübariz Orucov media nümayəndələrinin önünə çıxıb. Sizi əvvəlcə mütəxəssisin fikirləri ilə tanış edirik:

- Uğurla başa çatan antiterror əməliyyatında şəhid olan qardaşlarımıza Allah rəhmət eləsin. Ailələrinə də başsağlığı verirəm. Matça gəlincə, gərgin keçdi. İki məğlubiyyətdən sonra bu gün qalib gəlmək istəyirdik. Təəssüf ki, alınmadı. Oyunun ədalətli nəticəsi heç-heçə idi. İkinci hissədə bizim yaxşı epizodlarımız oldu. Bunları qola çevirsəydik, qələbə qazana bilərdik.

- Qırmızı vərəqə görməyiniz bir qədər gözlənilməz oldu. O epizodda nə baş verdi?
- İnanırsız, heç mən də başa düşmədim. Qaydalar belədisə, yəni, xətti tapdalamaq olar-olmaz, bilmirəm. Gərgin oyun olduğu üçün ola bilər ki, 30 santimetr meydançanın içinə girək. Heç olmasa sarı vərəqə verərdi. Nəyə görə qırmızı göstərdiyini başa düşmədim. Hakim deyir ki, qaydalarda belədi. 5-6 metr irəliləyib etiraz etsəydim, başa düşərdüm.

- Rövlan Muradovu hansı mövqedə oynadırıdınız? Çünki fərqlilik hiss olunurdu...
- Dördlü müdafiə sistemi ilə oynayırdıq. Əlbəttə ki, hücumla müdafiə fərqlənir. Rövlan hər oyunda hücum vaxtı aktiv olur. Bu gün də elə oldu.

CAVİD ƏLİYEV