“İstədiyimiz kimi oynadıq”
"Neftçi" Konfrans Liqasının 3-cü təsnifat mərhələsinin ilk oyununda "Beşiktaş"a evdə məğlub olub - 1:3.
Football-plus.az xəbər verir ki, matçdan sonra baş məşqçisi Şenol Günəş media nümayəndələrinin önünə çıxıb. Sizə fikirlərini təqdim edirik:
"Bakıda qələbə qazanıb İstanbula yaxşı nəticə ilə qayıtmaq istəyirdik. Bunu da bacardıq. Matça hakim olduq,istədiyimiz kimi oynadıq.Son 10-15 dəqiqədə oyun qopdu. Buraxdığımız qol "Neftçi"nin gücünü və motivasiyasını artırdı, epizodları var idi. Son anlarda bizim üçün dərslər çıxaracağımız anlar oldu. Buradan yaxşı hesabla gedirik. Sevinirik. İkinci matça da ciddi hazırlaşmalıyıq. "Neftçi"yə şərait yaradtdıqda, oynaya bilən istedadlı futbolçuları var. "Neftçi"yə çempionatda uğurlar arzulayıram. Yaxşı atmosfer var idi".
- "Sabah" və "Neftçi" ilə qarşılaşdınız. Bu iki komandanı necə dəyərləndirirsiz?
- “Sabah” da güclü heyətə malikdi. Onlarla oynadığımız zaman mövsümün sonları idi. İndi isə mövsümün əvvəlindəyik və futbolçular istənilən səviyyədə deyillər. Bu, hər iki tərəfə aiddi".
CAVİD ƏLİYEV
Digər xəbərlər
