"Azər Məmmədovun xahişi ilə komandanı daha bir görüşə çıxaracağıq. "Araz-Naxçıvan"la matç bitdikdən dərhal sonra klubu tərk edəcəyik. Yeni baş məşqçi gəlməsə belə, gedəcəyik. "Kəpəz"dən baş və ya köməkçi məşqçi kimi çalışmaq üçün təklif almamışam. Dediyim kimi, 1 oyunluq razılaşmışıq. Komanda xaricində bəzi problem olsa da, daxildə heç vaxt narazılıq yaşanmayıb. Hər şey qaydasında olub. Azər müəllimin futbolçularla səmimi münasibəti var idi. İstər əcnəbi, istər yerli oyunçular onun gedişini istəmirdi. Özləri dəfələrlə müraciət etdi ki, günah bizdədi, məsuliyyətsizlik etdik. Lakin, Azər müəllim yenə də getmək istədi.

"Qarabağ"a məğlubiyyətdən sonra komandanı toparlamaq çətin olmadı. Söhbət etdik, anlaşdıq ki, növbəti oyuna çıxıb qələbə üçün əlimizdən gələni edəcəyik".