Xaliq Mərdanova “Kəpəz”də çalışmaq təklif olunub
Ötən il birinci divizionda "Kəpəz-2"ni çalışdıran Xaliq Mərdanov əsas komandaya gətirilir.
Belə ki, veteran futbolçu Gəncə təmsilçisində Azər Məmmədovun köməkçisi ola bilər. Məsələ ilə bağlı Xaliq bəydən daha detallı bilgi almağa çalışdıq:
"Bəli, mənə əsas komandada çalışmaq təklif olunub. Amma hələ qərar verməmişəm. Qarşıdakı günlərdə məsələ aydınlaşacaq. İnanıram ki, Azər müəllim həm savadlı mütəxəssis, həm də bir gəncəli kimi "Kəpəz"ə yeni nəfəs verəcək”.
Mütəxəssis oğlu Zahid Mərdanovun "Kəpəz"ə qayıda bilməməsinə də aydınlıq gətirdi:
"Zahidin "Kəpəz"ə qayıtmasına çox çalışdıq, amma alınmadı. "Şamaxı" ilə müqaviləsi var, qarşı tərəf 25 min manat təzminat istədi. Klub da o pulu vermək gücündə deyil. "Şamaxı"ya keçəndən sonra Zahidin çıxışı pis alınmadı. Özünü yaxşı tərəfdən göstərməyə çalışdı. Amma hələ formasının zirvəsində deyil. Peşəkar futbolçu olmaq istəyirsə, üzərində hələ çox işləməlidi. Bir ata və məşqçi kimi çox istərdim ki, elita klublarında oynasın. Amma bugünkü reallıqlardan biri də budu ki, gənc futbolçular çoxlarına maraqlı deyil".
ABDULLA İSMAYILOĞLU
Digər xəbərlər
