“Formula-1” komandalarından “Red Bull”un rəhbərliyi meksikalı pilot Serxio Pereslə müqavilə müddətinin uzadılmasıyla bağlı danışıqlara başlayıb.

“Total-Motorsport”un yaydığı xəbərə görə, tərəflər dekabrda bütün əsas detalları müzakirə etməyi və ortaq məxrəcə gəlməyi planlaşdırır. İndi isə pilot diqqətini mövsümün son yarışlarına yönəltməlidi. Adı çəkilən qaynaq iddia edir ki, 33 yaşlı meksikalı “öküzlər”lə 2025-ci ilə qədər müqavilə bağlayacaq.

“Red Bull”a 2020-nin dekabrında keçən Peres həmin vaxta qədər “Reysinq Point”də çıxış edib. Hazırda hesabında 240 xal olan meksikalı dünya çempionatında şəxsi hesabda 2-ci pillədə qərarlaşıb. Cari mövsümdə iki dəfə fəxri kürsünün ən yüksək pilləsinə qalxıb.