Peresdən gözlənilməz hədiyyə: 1400 nəfərin hər birinə tekila!
“Red Bull”un pilotu Serxio Peres bu komandada çalışan hər kəsə “Formula-1”in son mövsümündəki əməyinə görə orijinal şəkildə təşəkkür edib.
Football-plus.az xəbər verir ki, meksikalı pilot 1400 əməkdaşın hər birinə tekila butılkası bağışlayıb və belə məzmunlu açıqca yazıb:
“Mövsümün gedişindəki ağır əməyinizə və dəstəyinizə görə sağ olun. “Red Bull” ailəsinin bir hissəsi olduğuma görə çox qürur duyuram. Sizə gözəl istirahət arzulayıram. Növbəti mövsüm üçün səbirsizlənirəm. Çeko Peres”.
Xatırladaq ki, “Red Bull” 2022 mövsümündə Mühəndislər kubokunu qazandı. Bu komandanın pilotu Maks Ferstappen ardıcıl 2-ci dəfə dünya çempionu oldusa, Peres 3-cü yeri tutdu.
