Belarus millisinin rəsmi oyunları üçün yeni məkan müəyyənləşib.

"Football-plus.az" xəbər verir ki, komanda AÇ-2024-ün seçmə mərhələsinin növbəti iki ev oyununu Budapeştdə keçirəcək.

Bu barədə Belarus Futbol Federasiyası ilə Macarıstan Futbol Federasiyası arasında razılıq əldə olunub. Bu qərarı UEFA da təsdiqləyib. İyuna təyin olunan oyunlar Macarıstanın paytaxtındakı “Ferents Susı” stadionunda keçiriləcək. Belarus millisi iyunun 16-da İsraillə, 19-da isə Kosovo ilə bu arenada qarşılaşacaq.

Qeyd edək ki, Belarus yığması UEFA-nın qərarı ilə ev oyunlarını neytral meydanda və azarkeşsiz keçirir. Komanda AÇ-2024-ün seçmə mərhələsinin ilk ev oyununu Serbiyada keçirmiş və İsveçrəyə 0:5 hesabıyla məğlub olmuşdu.