AÇ-2024-ün seçmə mərhələsində Kosovo ilə oyundan imtina edən komandaları UEFA cəzalandıracaq.
Football-plus.az xəbər verir ki, bu barədə qitə futbol qurumunun mətbuat xidməti məlumat yayıb.
Hansısa yığma Kosovo ilə qarşılaşmasa, turnirdən kənarlaşdırıla bilər:
“Hansısa assosiasiya oynamaqdan imtina edərsə, matçın baş tutmamasına görə məsuliyyət daşıyacaqsa, UEFA Nəzarət, İntizam və Etika Komitəsinə cəlb olunacaq. Qurum həmin assosiasiyaya qarşı əlavə intizam tənbehi görəcək və o ölkənin yığması turnirdən qovula bilər”.
Qeyd edək ki, Kosovo millisi AÇ-2024-ün seçmə mərhələsində Andorra, Belarus, İsrail, Rumıniya və İsveçrə ilə İ qrupda mübarizə aparacaq.
UEFA-dan xəbərdarlıq: Bu ölkə ilə qarşılaşmaq istəməyənlər cəzalandırılacaq
Dünya futbolu
