"Qələbəni hər bir komanda qazanmaq istəyir. Mən daha əvvəl də deyirdim ki, bu qrupun favoriti "Baxçaşəhir"di. Bura "Nimburk"du əlavə edirdim. Çünki çexlər çox güclü kollektivdi. Öz çempionatlarında da yaxşı performans göstərirlər. Dünən də bizə qarşı bütün oyunçularını meydana buraxdılar. Əlbəttə, onlara qalib gəlmək çətin idi. “Rapid"lə matçdakı atışlarımızın dəqiqlik faizi yüksək olmuşdu. Lakin Çexiyadakı görüşdə toplarımız səbətə düşmürdü. Ola bilər ki, komanda yorğun idi, lakin sanki səbət tilsimlənmişdi və atdığımız toplar keçmirdi. Bunlar alınsaydı, rəqiblə xal fərqini azalda bilərdik. Bir məqamı da qeyd edim. Rəqib 4 çeyrəkdə pressinq etdi. Görünürdü ki, fiziki cəhətdən də bizdən yaxşı idilər. Ancaq biz bir neçə dəqiqə pressinq etdikdən sonra baş məşqçi bunu saxlayırdı. Çünki oyunçular tez yorula bilərdi".

"Məqsədimiz "Mornar"ı evdə udmaq və "Nimburk"la da oyunda layiqincə mübarizə aparmaqdı. Azarkeşlərimizi, xalqımızı sevindirmək istəyirik. Azərbaycan basketbolunun adı üçün oynayacağıq".