"Heyətdə bəzi dəyişikliklər var. Desmond Kembric zədəlidi. Uzun müddətə sıradan çıxmayıb, sadəcə, bu görüşə kimi hazır olmayacaq. Onun yerinə Keylin Kreyn salınıb. Bilirsiz ki, Kreyn ötən mövsüm çempion olduğumuz kollektivin əsas simalarından biri idi. Baş məşqçi qərar verəcəyi halda onu da meydanda izləyəcəyik. Kolin Henri bu dəfə siyahıda yoxdu. Onun əvəzinə birinci mövqeydə Mayk Holtonla Korin Törner yer alıb. Komandada ab-hava yaxşıdı. Artıq biz dünən səhər saatlarında Praqaya gəldik və burdan da avtobusla matçın keçiriləcəyi Nimburqa yollandıq. Nimburq kiçik bir qəsəbədi. Lakin təmsil etdiyi klub bir neçə dəfə Çexiya çempionu olub. Hazırda bizim qrupda da iki qələbə ilə liderdilər. Düzünü desəm, şəhərdə oyunla bağlı heç bir afişaya rast gəlmədim. Yəqin ki, matç günü arena dolacaq. Hətta bu ölkədə yaşayan azərbaycanlı diaspor üzvləri, tələbələr mənimlə əlaqə saxladılar. Oyunun vaxtını və keçiriləcək məkanı soruşdular. "Sabah" burda dəstəksiz qalmayacaq".