Bu gün saytımızda "Neftçi"nin futbolçusu Emin Mahmudovun "Sabah"la matçda kapitanlıqdan imtina etdiyi ilə bağlı xəbəri dərc etmişdik.
Yarımmüdafiəçi meydana daxil olduqdan sonra İvan Brkiçdən bazubəndi qəbul etməyib. Bu ictimaiyyətə təqdim etdiyimiz videoda açıq-aşkar görsənir.
"Football-plus.az" xəbər verir ki, məsələ ilə bağlı "Neftçi" açıqlama yayıb. Həmin məlumatı diqqətinizə çatdırırıq:
"Mətbuatda komandamızın kapitanı Emin Mahmudovun kapitanlıq sarğısından imtina etdiyi haqda əsası olmayan şaiələr yazılıb. Belə ki, Azərbaycan çempionatının 11-ci turunda “Sabah”la keçirilən matçda Rəhman Hacıyev kapitanlıq sarğısını daşıyıb. Əvəzləndikdən sonra isə, sarğını komandanın qolkiperi İvan Brkiçə təhvil verib. “Neftçi” adınından bəyan edirik ki, Rəhman Hacıyev, Eddi İsrafilov, İvan Brkiç də Emin Mahmudovla yanaşı komandanın lider üzvləridi. Emin Mahmudov meydanda olmayanda kapitanlıq sarğısını məhz adı çəkilən oyunçular daşıyır. Futbolda komandanın əsas kapitanının meydana sonradan daxil olduqdan sonra sarğını mütləq şəkildə təhvil alması ilə bağlı qanun yoxdu. “Neftçi”nin 1 nömrəli kapitanı Emin Mahmudovdu və növbəti oyunlarda da start "11-liy"ində olacağı təqdirdə kapitanlıq sarğısını məhz o daşıyacaq".