Xəbər verdiyimiz kimi, oktyabrın 24-dən 25-nə keçən gecə keçirilən iki oyunla MBA-da yeni mövsümə start verildi.

“Football-plus.az” xəbər verir ki, yeni mövsümün ilk günündə TNT kanalında hər oyunu orta hesabla 2,78 milyon tamaşaçı izləyib ki, bu da son 9 ildə ən aşağı göstəricidi. Ötən illə müqayisədə isə tamaşaçı sayı 16 faiz azalıb.

Mövsümün açılış oyununu – “Denver” - “Leykers” matçını 2,84 milyon adam izləyib. “Qolden Steyt” – “Finiks” oyununun auditoriyası isə 2,71 milyon azarkeş təşkil edib. Onu da qeyd etməyə dəyər ki, basketbol oyunlarının translyasiyası MLB-nin “Arizona” ilə “Filadelfiya” arasındakı yarımfinal seriyasının 7-ci oyunu ilə üst-üstə düşüb. Beysbol qarşılaşmasını orta hesabla 8,99 milyon tamaşaçı izləyib.

Srağagün keçirilən oyunlardan birində “San-Antonio” “Dallas”ı qəbul edib. “Dallas”ın lideri Luka Donçiç komandasının qələbəsinə 33 xal, 13 ribaund və 10 ötürmə ilə töhfə verib. 34 dəqiqə parket üzərində olan sloveniyalı ulduz “Maveriks”in tarixinə mövsümdəki ilk oyunda tripl-dabl etməyi bacaran ilk basketbolçu kimi düşüb. Donçiç MBA tarixində mövsümdəki ilk oyununda 30 xallıq tripl-dabl edən 3-cü oyunçudu. Ona qədər Yannis Adetokumbo (2019) və Oskar Robertson (1961, 1966) da belə uğurlu nəticə göstərib.

26 oktyabr
İndiana – Vaşinqton 143:120 (34:39, 39:29, 37:28, 33:24)
Nyu-York – Boston 104:108 (18:30, 28:21, 27:31, 31:26)
Orlando – Hyuston 116:86 (29:20, 25:23, 33:26, 29:17
Şarlott – Atlanta 116:110 (25:29, 26:23, 27:21, 38:37
Bruklin Klivlend 113:114 (32:37, 31:26, 24:27, 26:24)
Mayami Detroyt 103:102 (26:29, 32:18, 25:28, 20:27
Toronto Minnesota 97:94 (25:25, 28:26, 20:23, 24:20)
Memfis Nyu-Orlean 104:111 (28:25, 19:32, 23:25, 34:29)
Çikaqo Oklahoma-Siti 104:124 (35:33, 20:28, 27:30, 22:33)
Yuta Sakramento 114:130 (24:32, 34:40, 29:33, 27:25)
San-Antonio Dallas 119:126 (43:36, 25:28, 23:32, 28:30
Klippers – Portlend 123:111 (29:20, 38:27, 32:26, 24:38)
27 oktyabr
Miloki Filadelfiya 76 118:117 (30:23, 33:31, 25:31, 30:32)
Leykers – Finiks 100:95 (18:30, 30:22, 24:32, 28:11)