"Ümumiyyətlə, bu oyunun futbol baxımından müzakirə edilməsinin tərəfdarı deyiləm. Səviyyə fərqi göz önündədi. Heyəti, taktikanı təhlil etmək yersizdi. Rəqib bundesliqa təmsilçilərini belə rahatlıqla böyük hesabla məğlub edir. Ona görə də futbol sahəsində çalışan hər kəs bu oyuna baxmalı, nəticə çıxarmalıdı. İstər klub rəhbərləri, istər sponsorlar, istər məşqçilər, futbolçular, menecerlər, istər tibb personalı, hətta yeri gələndə mətbuat nümayəndələri də baxıb örnək götürməlidi. Hesab edirəm ki, "Qarabağ" etməli olduğunun yaxşısını etdi. Bizim Avropanın top-liqa təmsilçilərindən öyrənməli olduğumuz çox nüans var. Odu ki, qarşıdakı oyunlara fokuslanmaq yaxşı olar".