“Sentyabrın 30-da bura gəldik və yeni ayın 1-dən məşqlərə start verdik. Burda üç oyun keçirəcəyik. Əslində daha çox yoxlama görüşü keçirmək niyyətindəyik, lakin artıq Polşada çempionat başladığından rəqiblərin də vaxtı yoxdu. Komanada ab-hava əladı. Sadəcə, viza məsələsinə görə iki oyunçumuz - blokçu Mərdan Mərdanov və köşə oyunçusu Andrey Melnikov Bakıda qaldı. İnşallah, zədə olmayacağı halda bu heyətlə yolumuza davam edəcəyik. Heyətimzdə hazırda 4 yerli və 12 legioner var”.

“Rəqibin ötən mövsümdəki oyunlarının videosu bizdə var. Onlara baxıb planlarımızı qururuq. Gənc oyunçulardan ibarətdi. İki legionerləri var. Bizim üçün rəqibin fərqi yoxdu, gücümüzü meydanda göstərəcəyik. Heyətimizdə olan voleybolçulardan bəzilərinin beynəlxalq oyun təcrübəsi yoxdu, lakin potensiallı uşaqlardı. Kanadadan, Avstraliyadan, Serbiyadan, Rusiyadan oyunçularımız var. Kollektivdə olan gənc oyunçular da təcrübəlilərdən nəsə öyrənməyə çalışır”.

“Bu mövsüm həm yerli çempionat, həm də avrokuboklar bizim üçün çətin olacaq. Çünki hər iki cəbhədəki rəqiblərimiz güclənib. Bizim çıxış edəcəyimiz turnirdə İtaliya, Polşa təmsilçiləri və güclü, iddialı “Qalatasaray”, “Panatinaikos” var. Bütün gücümüzü ortaya qoyacağıq. Mən uşaqlara inanıram”.