Mitev: "Azərbaycan üçün ilk tarixi qələbəmizi ev oyunumuzda qazanmağa çalışacağıq"
FİBA Avropa Kubokunun müntəzəm çempionatına vəsiqə qazanan “Sabah” bu gün D qrupunda ilk oyuna çıxıb.
"Football-plus.az" xəbər verir ki, təmsilçimiz Monteneqronun Bar şəhərində “Mornar”ın qonağı olub. Görüş rəqibin qələbəsi ilə başa çatıb - 80:75 ( 22:22, 21:17, 16:13, 21:23 .
Oyundan sonra "tələbələr"in baş məşqçisi Boban Mitev fikirlərini bildirib:
"İlk olaraq rəqibi qələbə münasibətilə təbrik edirəm. Yaxşı oynadılar, çətin vəziyyətlərdə uğurlu atışlar etdilər. Müdafiə xəttimizi rəqibin hücumları qarşısında yaxşı hazırlamağa çalışdıq. Amma hücumlarımızda bəzi çatışmazlıqlar oldu. Məğlubiyyətimizin əsas səbəbi məhz nəzarət edə bilmədiyimiz hücumlar oldu. Azərbaycan üçün ilk tarixi qələbəmizi ev oyunumuzda qazanmağa çalışacağıq".
Digər xəbərlər
