“Sabah” qrup mərhələsinə məğlubiyyətlə başladı - YENİLƏNİB
FİBA Avropa Kubokunun müntəzəm çempionatına vəsiqə qazanan “Sabah” bu gün D qrupunda ilk oyuna çıxıb.
"Football-plus.az" xəbər verir ki, təmsilçimiz Monteneqronun Bar şəhərində “Mornar”ın qonağı olub. Oyun Bakı vaxtı ilə 21.00-da start götürəcək və İTV-də canlı yayınlanıb. Qrupun digər qarşılaşmasında isə Türkiyə “Baxçaşəhər”i Çexiya “Nimburk”unu qəbul edib.
Oyunla bağlı “tələbələr”in kapitanı Endər Poladxanlı ilə danışdıq:
“Bir həftə yalnız bu oyun üzərində məşqlərimizi keçdik. Əlbəttə, “Mornar” güclüdü, ancaq məğlub edə bilməyəcəyimiz komanda da deyil. Monteneqoya yalnız qələbə üçün yollanırıq”.
25 yaşlı basketbolçu rəqibin hansı zonada zəif nöqtəsinin olduğunu da açıqladı:
“Oyunlarını təhlil eləmişik. Məncə, onların sürət baxımından problemləri var. Çünki hücuma keçən zaman geri qayıtmaqda ləngiyirlər. Biz də bundan yaxşı şəkilə istifadə etməyə çalışacağıq. Meydanda daha cəld olmalıyıq”.
Poladxanlı qrupdakı hədəfləri barədə də danışdı:
“Əvvəldən dediyim kimi, məqsəd növbəti tura çıxmaqdı. Buna görə də ən azı ikinci yeri tutmağa çalışacağıq. İnşallah, sabah meydanda əlimizdən gələn hər şeyi edəcəyik ki, qələbə qazanaq”.
21.00. “Mornar” - “Sabah” 80:75
Xatırladaq ki, müntəzəm çempionatda 10 qrupun qalibləri və 2-ci yeri tutanlar arasından ən yaxşı göstəricilərə malik olan 6 komanda növbəti mərhələdə oynamaq hüququ qazanacaq.
Digər xəbərlər
