“Nqannu Fürinin çənəsinə zərbə vuran kimi rəqibi nokauta düşəcək”
Xəbər verdiyimiz kimi, oktyabrın 28-də Səudiyyə Ərəbistanının paytaxtı Ər-Riyadda Tayson Füri ilə Fransis Nqannu arasında 10 raundluq döyüş keçiriləcək.
"Football-plus.az" xəbər verir ki, ortaya WBC kəməri qoyulmasa da, qarşıdakı döyüş dünyanın diqqət mərkəzindədi. Yəqin həm də o səbəbdən ki, Nqannunu bu döyüşə əfsanəvi Mayk Tayson hazırlaşdırır. Superağır çəkidə sabiq mütləq dünya çempionu olan Tayson əmindi ki, Füri Nqannunun zərbəsinə dözə bilməyəcək:
“Nqannuya yardım edirəm, daha doğrusu, nələri etməli olduğunu öyrədirəm. O, güman etdiyimdən daha artığına qadirdi. Fransis qarşısına çıxan istənilən şəxsi nokauta salmaq potensialına malikdi. Tayson Fürinin çənəsinə zərbə vuran kimi rəqibi nokauta düşəcək. Heç kim bu zərbənin qarşısında dayana bilməz. Mənim adamlar və nokautla bağlı döyüş fəlsəfəm bundan ibarətdi: onlara bacardığım qədər çox təzyiq göstərirdim. Bu, sadəcə, təzyiq idi, təzyiq və yalnız təzyiq. Onları səhv buraxmağa məcbur edir, ardından nokauta salan zərbəni vururdum. Hər şey sadədi. Füri yaxşı döyüş keçirməyə, sərt mübarizəyə hazırlaşır. Ona zərbə vurmaq lazımdı ki, özündən çıxsın. Bərpa oluna və bütün gücünü döyüş meydanında qoya bilir”.
Bu arada sabiq UFC çempionu Həbib Nurməhəmmədov sosial şəbəkədə Fələstini dəstəkləyən paylaşım edib. 35 yaşlı döyüşçünün paylaşımında müsəlmanların müqəddəsə kitabı “Quran”dan çıxarışların videosu yer alıb, Həbib ona Fələstin bayrağı və ürək işarəsi olan smayliklər də əlavə edib.
Xatırladaq ki, oktyabrın 7-si səhər saatlarında Fələstinə bağlı HƏMAS təşkilatı İsrail ərazisinə hücum edəndən sonra bu ölkənin ordusu fələstinlilərin yaşadığı Qəzza bölgəsində genişmiqyaslı hərbi əməliyyatlara başlayıb. Hər iki tərəf döyüşün gedişində minlərlə adam itirib.
Digər xəbərlər
