“Finişə 9-cu yerdə çatsam da, trassın sərhədlərini pozduğuma görə iki cərimə aldım. Ancaq mən maşında huşumu itirmişdim. Heç nəyi görmür, hiss etmirdim. Sadəcə, nə baş verdiyini anlamağa çalışırdım. Problem ondadı ki, hara getdiyini bilmirsən, huşun özündə deyil. Mən tam yarışdan qopmuşdum. Problemlər finişə 20 dövrə qalmış başladı”.

“15-16-cı dövrələrdə ürəyim bulanırdı. Düşünürəm ki, bu iki dövrə çəkdi. Bütün bu müddət ərzində düşünürdüm ki, yəqin uzun sürəcək. Psixoloji cəhətdən problemin öhdəsindən gələ, yarışa köklənə bildim. Əvvəllər heç vaxt başıma belə iş gəlməmişdi. Sadəcə, bu gün hava çox isti idi, üstəlik arxadan – mühərrikdən də isti içəri vururdu. Düşünmürəm ki, maşının kokpiti həqiqətən germetikdi. Bəlkə də maşının içində hərarət 80 dərəcəyə çatmışdı! Gələn il bura dekabrda gələcəyimizə görə sevinirəm”.

“FIA böyük narahatlıq hissi ilə qeyd edir ki, Qətər “Qran-pri”si zamanı ekstremal hava şəraiti və rütubət pilotların sağlıq durumuna təsir göstərib. Pilotlar elit idmançılardı. Gözləməyə dəyməz ki, onlar sağlıq durumlarını və ya təhlükəsizliklərini təhlükəyə atacaq şəraitdə yarışacaqlar. FIA Qətərdəki durumu təhlil etməyə başlayıb ki, gələcəkdə eksteramal hava şərtləri üçün tövsiyələri hazırlaya bilsin. Qeyd etməyə dəyər ki, gələn il Qətər “Qran-pri”sinin ilin sonunda, havanın hərarəti aşağı düşdüyü zaman təşkili planlaşdırılır. Buna baxmayaraq, FIA builiki ssenarinin təkrarlanmaması üçün indi ciddi tədbirlər görməyə üstünlük verir”.