Əvvəlki mərhələlərin icmalını təqdim edərkən vurğuladığımız məqamı bir daha təkrarlamaq istəyirik: “Formula-1”in cari mövsümü bir aktyorun teatrına çevrilib. Həmin yeganə aktyor “Red Bull”, özəlliklə də Maks Ferstappendi. “Öküzlər”in niderlandlı pilotu Kanadada da hamını qabaqladı. “Aston Martin”in pilotu Fernando Alonso 2-ci, “Mersedes”in pilotu Lüis Hemilton isə 3-cü oldu.


"Football-plus.az" xəbər verir ki, “Formula-1” yarışlarında 41-ci dəfə fəxri kürsünün ən yüksək pilləsinə qalxan Ferstappen bu göstəricidə əfsanəvi Ayrton Sennaya çatdı. Cari mövsümün arxada qalan 8 mərhələsinin hamısında qələbə qazanan “Red Bull” da “Formula-1” tarixinə 100 mərhələni qalib kimi bitirməyi bacaran 5-ci komanda kimi düşdü. “Öküzlər” bu göstəricidə aşağıdakı komandalardan geri qalır: “Ferrari” (242), “Malaren” (183), “Mersedes” (125), “Uilyams” (114).

Ferstappen qələbəsi ilə bağlı bunları dedi: “Qələbədən məmnunam. Heç də asan olmadı. Cümə günü ilə müqayisədə çox soyuq idi, sürüşürdük. Komandanın 100-cü qələbəsi qeyri-adi nəticədi. Mən özüm də bu nəticəyə çatacağımı düşünmürdüm. Hələ də uğurların sevincini yaşayırıq və inadla çalışmağa davam edirik. Daha bir gözəl günü arxada qoyduq”.

Finişə 2-ci çatan Fernando Alonsonun fikirləri: “Çox güman, nəticə gözləntilərə uyğundu. Ancaq biz “Red Bull”a daha ciddi mübarizə təklif edəcəyimizə ümid edirdik. Ancaq startda Hemiltonu özümdən irəli buraxdım. Ardından mərhələ boyunca hücum edən Lüis və “Mersedes” ilə mübarizə apardım. Dincəlmək üçün zərrəcə imkanım olmadı – möhtəşəm yarış idi. Maşınla bağlı hansısa problem olduğunu komanda mənə demədi. Bəlkə də məni həyəcanlandırmaq istəmədilər. Növbəti mərhələdə Maksa daha güclü təzyiq göstərməyə çalışacağıq”.

Təsnifat mərhələsi
1. Maks Ferstappen (Niderland) 1.25,858
2. Niko Hülkenberq (Almaniya) 1.27,102
3. Fernando Alonso (İspaniya) 1.27,286
4. Lüis Hemilton (B.Britaniya) 1.27,627
5. Corc Rassell (B.Britaniya) 1.27,893
6. Esteban Okon (Fransa) 1.27,945
7. Lando Norris (B.Britaniya) 1.28,046
8. Karlos Sayns (İspaniya) 1.29,294
9. Oskar Piastri (Avstraliya) 1.31,349
10. Aleksandr Albon (Tayland) -
11. Şarl Lekler (Monako) 1.20,615
12. Serxio Peres (Meksika) 1.20,959
13. Lens Stroll (Kanada) 1.21,484
14. Kevin Maqnussen (Danimarka) 1.21,678
15. Valtteri Bottas (Finlandiya) 1.21,821
16. Yuki Sunoda (Yaponiya) 1.22,746
17. Pyer Qasli (Fransa) 1.22,886
18. Nik de Vris (Niderland) 1.23,137
19. Loqan Sarcent (ABŞ) 1.23,337
20. Quanyuy Çjou (Çin) 1.23,342
Həlledici mərhələ
305,270 km (4361 metrlik 70 dövrə)
1. Maks Ferstappen Red Bull 1:33:58,348
2. Fernando Alonso Alpin +9.570
3. Lüis Hemilton Mersedes +14.168
4. Şarl Lekler Ferrari +18.648
5. Karlos Sayns Ferrari +21.540
6. Serxio Peres Red Bull +51.028
7. Aleksandr Albon +60.813
8. Esteban Okon Alpin +61.692
9. Lens Stroll Aston Martin +64.402
10. Valtteri Bottas Alfa Romeo +64.432
11. Oskar Piastri Maklaren +65.101
12. Pyer Qasli Alfa Tauri +65.249
13. Lando Norris Maklaren +68.363
14. Yuki Sunoda Alfa Tauri +73.423
15. Niko Hülkenberq Haas 1 dövrə
16. Quanyuy Çjou Alfa Romeo 1 dövrə
17. Kevin Maqnussen Haas 1 dövrə
18. Nik de Vris Alfa Tauri 1 dövrə
Corc Rassell (Mersedes) və Loqan Sarcent (Uilyams) finişə çatmayıb.
Şəxsi birincilik
1. Maks Ferstappen 195 xal
2. Serxio Peres 126
3. Fernando Alonso 117
4. Lüis Hemilton 102
5. Karlos Sayns 68
6. Corc Rassell 65
7. Şarl Lekler 54
8. Lens Stroll 37
9. Esteban Okon 29
10. Pyer Qasli 15
11. Lando Norris 12
12. Aleksandr Albon 7
13. Niko Hülkenberq 6
14. Oskar Piastri 5
15. Valtteri Bottas 4
16. Quanyuy Çjou 4
17. Kevin Maqnussen 2
18. Yuki Sunoda 2
Mühəndislər kuboku
1. Red Bull 321 xal
2. Mersedes 167
3. Aston Martin 154
4. Ferrari 122
5. Alpin 44
6. Maklaren 17
7. Alfa Romeo 9
8. Haas 8
9. Uilyams 7
10. Alfa Tauri 2