Niderlandlı pilot Mark Ferstappen vaxtından əvvəl 2023 mövsümünün çempionu adını qazandı.

"Football-plus.az" xəbər verir ki, “Red Bull”un pilotu çempionluğu hələ şənbə günü – sprintdə 2-ci yeri tutub 7 xal qazanmaqla rəsmiləşdirdi. Onunla 2-ci yerdə qərarlaşan Serxio Peres arasında fərq 184 xala çatdı ki, qalan 6 mərhələ ərzində bunu aradan qaldırmaq mümkünsüzdü. Nəzəri cəhətdən Maks indidən məzuniyyətə çıxa bilər. Ancaq o, zəfər yürüşünü bazar günü də davam etdirdi. Bir tərəfdən, 26 yaşında üçqat dünya çempionu olan istedadlı pilota görə sevinməyə dəyər. Digər tərəfdən isə “kral avtoyarışları” get-gedə maraqsızlaşır. 17 mərhələnin yalnız üçündə Ferstappen qələbə qazana bilməyib. O, “Formula-1” tarixinə ən azı üç dəfə çempion olmağı bacaran 11-ci pilot kimi düşdü. Buna qədər argentinalı Xuan Manuel Fanxio, avstraliyalı Cek Brebem, britaniyalılar Ceki Stüart və Lüis Hemilton, avstriyalı Niki Lauda, braziliyalılar Nelson Pike və Ayrton Senna, fransalı Alen Prost, almanlar Miheal Şumaher və Sebastyan Fettel eyni nəticəni göstərib.

Qətər mərhələsində 2-3-cü yerləri “Maklaren”in pilotları – Oskar Piastri ilə Lando Norris tutdu. “Mersedes”in pilotu Lüis Hemilton elə ilk dövrədə sıradan çıxardı. Britaniyalı ulduz komanda yoldaşı Corc Rassell ilə toqquşdu.

Təsnifat mərhələsi
1. Maks Ferstappen (Niderland) 1.23,778
2. Corc Rassell (B.Britaniya) 1.24,219
3. Lüis Hemilton (B.Britaniya) 1.24,305
4. Fernando Alonso (İspaniya) 1.24,369
5. Şarl Lekler (Monako) 1.24,424
6. Oskar Piastri (Avstraliya) 1.24,540
7. Pyer Qasli (Fransa) 1.24,553
8. Esteban Okon (Fransa) 1.24,763
9. Valtteri Bottas (Finlandiya) 1.25,058
10. Lando Norris (B.Britaniya) -
11. Yuki Sunoda (Yaponiya) 1.25,301
12. Karlos Sayns (İspaniya) 1.25,328
13. Serxio Peres (Meksika) 1.25,462
14. Aleksandr Albon (Tayland) 1.25,707
15. Niko Hülkenberq (Almaniya) 1.25,783
16. Loqan Sarcent (ABŞ) 1.26,210
17. Lens Stroll (Kanada) 1.26,345
18. Liam Louson (Yeni Zelandiya) 1.26,635
19. Kevin Maqnussen (Danimarka) 1.27,046
20. Quanyuy Çjou (Çin) 1.27,432

Həlledici mərhələ
308,611 km (5419 metrlik 57 dövrə)
1. Maks Ferstappen Red Bull 1:27.39,168
2. Oskar Piastri Maklaren +4,833
3. Lando Norris Maklaren +5,969
4. Corc Rassell Mersedes +34,119
5. Şarl Lekler Ferrari +38,976
6. Fernando Alonso Alpin +49,032
7. Esteban Okon Alpin +1.02,390
8. Valtteri Bottas Alfa Romeo +1.06,563
9. Quanyuy Çjou Alfa Romeo +1.16,127
10. Serxio Peres Red Bull + 1.20,181
11. Lens Stroll Aston Martin +1.21,652
12. Pyer Qasli Alpin +1.22,300
13. Aleksandr Albon Uilyams +1.31,014
14. Kevin Maqnussen Haas 1 dövrə
15. Yuki Sunoda Alfa Tauri 1 dövrə
16. Niko Hülkenberq Haas 1 dövrə
17. Liam Louson Alfa Tauri 1 dövrə
Karlos Sayns (Ferrari), Lüis Hemilton (Mersedes) və Loqan Sarcent (Uilyams) finişə çatmayıb.

Şəxsi birincilik
1. Maks Ferstappen 433 xal
2. Serxio Peres 224
3. Lüis Hemilton 194
4. Fernando Alonso 183
5. Karlos Sayns 153
6. Şarl Lekler 145
7. Lando Norris 136
8. Corc Rassell 132
9. Oskar Piastri 83
10. Lens Stroll 47
11. Pyer Qasli 46
12. Esteban Okon 44
13. Aleksandr Albon 23
14. Valtteri Bottas 10
15. Niko Hülkenberq 9
16. Quanyuy Çjou 6
17. Yuka Sunoda 3
18. Kevin Maqnussen 3
19. Liam Louson 2

Mühəndislər kuboku
1. Red Bull 657 xal
2. Mersedes 326
3. Ferrari 298
4. Aston Martin 230
5. Maklaren 219
6. Alpin 90
7. Uilyams 23
8. Alfa Romeo 16
9. Haas 12
10. Alfa Tauri 5