Eden Azar ''Real'' tarixinin ən bərbad transferi olmaq yolunda belə desək, əmin addımlarla irəliləyir.

Komandaya heç bir fayda verməməsi ilə yanaşı həm də məlum olub ki, Azar İspaniyada oynamağa başladığı vaxtdan bu yana baş tutan 7 ''El Klasiko''nun heç birində iştirak etmiyib! Ən son martın 20-də baş tutan ''Barselona''ya qarşı oyunda Kərim Benzema zədə üzündən iştirak etmədi. Amma baş məşqçi Karlo Ançelotti hətta belə vəziyyətdə də Azara şans vermədi və ünlü belçikalı bütün oyunu ehtiyat oyunçular skamyasında keçirməli oldu. Xatırladaq ki, Azar 2019-cu ilin yayında Kriştiano Ronaldonun boşluğunu doldurmaq üçün 115 milyon avro qarşılığında ''Çelsi''dən transfer olunmuşdu. Amma Azar həmin vaxtdan bu yana Madrid nəhənginin heyətində cəmi 64 rəsmi oyunda meydana çıxaraq 5 qol, 2 məhsuldar ötürmə ilə yadda qalıb. ''Real''ın heyətində son matçını fevralın 19-da ''Alaves'' qarşı son 5 dəqiqədə meydana çıxmaqla keçirən Azar Madrid karyerasında ümumilikdə 430 gün zədəli olub! Halbuki 31 yaşlı futbolçu ''Çelsi''də keçirdiyi 7 mövsüm ərzində 349 rəsmi oyunda 110 qol, 18 məhsuldar ötürməlik performansla ən diqqətçəkən oyunçulardan biri olmuşdu. Bu 7 mövsüm ərzində o ümumilikdə 199 gün zədəli olaraq cəmi 21 oyun buraxmışdı.