Ukrayna premyer-liqasında uduzmayan komanda qaldı.

“Football-plus.az” xəbər verir ki, “Şaxtyor” mövsümdə ilk məğlubiyyətini “Vorskla”dan aldı. Düzdü, topa “şaxtaçılar” nəzarət edirdi. Ancaq Ukraynada bu komanda ilə qarşılaşan istənilən rəqib onsuz da müdafiədən oynayır. Poltavalılar ilk yarının ortalarında hesabı açdı. “Şaxtyor” 2-ci hissənin əvvəlində bu qolun əvəzini çıxsa da, 71-ci dəqiqədə növbəti dəfə geri düşdü.

Ölkənin digər nəhəngi “Dinamo” növbəti qələbə sayəsində liderlərə bir qədər də yaxınlaşdı. 83-cü dəqiqəyə qədər hesab 2:2 olsa da, kiyevlilər sonda iki qol vurmağı bacardılar.

“Krivbass” evdə “Rux”a qalib gəlsəydi, liderliyi ələ keçirəcəkdi. Ancaq Krivoy-Roq klubu azarkeşlərini məyus etdi. Hesabı məhz “Krivbass” açdı. 2-ci hissənin ortalarında “Rux”un 5 dəqiqə aralığında vurduğu üç qol liderin dəyişməsinə imkan vermədi.

Turun qalan oyunlarına gəlincə, “Minay” evdə “Obolon”a uduzdu, üç oyunda isə qapılara qol vurulmadı.

9-cu tur
Şaxtyor – Vorskla 1:2
Zubkov, 57 – Sklyar, 22-p. Nesterenko, 71.
Şaxtyor: Riznık, Azarov (Kelsi, 82), Qoçoleyşvili, Çiqrinski (Rakitski, 46), Stepanenko (Nazarina, 63), Miroşa, Sudakov (Krıskiv, 63), Bondarenko, Sikan, Kaşuk (Şved, 70), Zubkov.
Dinamo – Aleksandriya 4:2
Brajko, 14; 83. Vanat, 44. Buyalski, 90+2 – Covani, 42. Skorko, 47.
Dinamo: Buşan, Sirota, Popov, Karavayev (Tımçik, 84), Dubinçak, Andriyevski (Şepelev, 71), Buyalski, Voloşin (Kabayev, 71), Yarmolenko, Brajko, Vanat.
Krivbass – Rux 1:3
İliç, 42-p. – Runiç, 63; 68. Klimçuk, 65-p.
Dnepr-1 – Metallist 1925 1:0
Lednev, 56.
Minay – Obolon 0:1
Taranuxa, 77.
Veres – LNZ 0:0
Çernomorets – Zarya 0:0
Kolos – Polesye 0:0
1. Şaxtyor 9 5 3 1 17-10 18
2. Krivbass 9 5 2 2 18-10 17
3. Polesye 9 5 1 3 12-6 16
4. Çernomorets 9 5 1 3 15-10 16
5. Dinamo 6 5 0 1 20-10 15
6. Rux 8 4 3 1 14-8 15
7. Dnepr-1 7 3 3 1 7-5 12
8. Vorskla 8 4 0 4 10-15 12
9. Metallist 1925 8 3 2 3 6-6 11
10. Kolos 9 2 5 2 6-7 11
11. Obolon 9 2 3 4 5-10 9
12. LNZ 9 2 2 5 8-12 8
13. Aleksandriya 9 2 2 5 7-16 8
14. Veres 8 1 3 4 6-10 6
15. Zarya 8 1 3 4 6-10 6
16. Minay 9 0 3 6 6-18 3
Bombardirlər: Yarmolenko, Buyalski, Vanat (hamısı “Dinamo”), Zaderaka (Krivbass), Klimçuk (Rux) - 4.
Növbəti turun oyunları oktyabrın 6-8-i aralığında keçiriləcək: Polesye – Dinamo, Dnepr-1 – Veres, LNZ – Aleksandriya, Zarya – Şaxtyor, Kolos – Vorskla, Obolon – Metallist 1925, Rux – Minay, Krivbass – Çernomorets.