Ukrayna çempionatında hələ cəmi 5 tur arxada qalıb, ancaq aparıcı komandalardan ikisi baş məşqçisi ilə vidalaşıb.

"Football-plus.az" xəbər verir ki, 4-cü turdan sonra Aleksandr Kuçer “Dnepr-1” ilə yolları ayırmışdısa, bu dəfə “Minay”la heç-heçənin qurbanı Nenad Lalatoviç oldu. Ötən mövsümün bürünc müdalçısı olan “Zarya”nın serb baş məşçisi ümidləri doğrultmadı və oyundan dərhal sonra istefa verdi. Lalatoviç klubdan kompensasiya da istəməyəcək.

Çempion “Şaxtyor” cari mövsümdə ilk “quru” qələbəsini qazandı. “Şaxtaçılar” hər iki qolu fasiləyə qədər vurdular. Və hələ ilk yarıda Qoçoleyşvili meydandan qovulduğuna görə azlıqda qaldılar. Krıskiv həm Nazarinanın, həm də yaxşı tanıdığımız Kaşukun fərqlənməsi üçün şərait yaratdı. Təbii ki, 2-ci hissə “Kolos”un hücumları şəraitində keçdi. Ancaq bu komanda mövsümdəki ilk məğlubiyyətdən qurtula bilmədi. Yayın sonuncu bazar günü Ukraynada Şaxtaçı günü kimi qeyd olunur. “Şaxtyor” bayrama qələbə ilə töhfə verdi.

“Dinamo” ilə “Dnepr-1”in oyununun təxirə salındığı turda başqa nəticələrə də nəzər salaq. “Metallist 1925” debütant LNZ üzərində qələbə qazandı. Digər debütant “Polesye” isə oyunu ilə hər kəsi heyrətləndirir. Yuri Kalitvintsevin çalışdırdığı komanda hesabat turunda “Aleksandriya”nı darmadağın etdi. Roman Qriqorçukun çalışdırdığı, avrokuboklara vəsiqə uğrunda mübarizə aparan “Çernomorets” isə səfərdə “Vorskla”ya uduzdu.

5-ci tur
Kolos – Şaxtyor 0:2
Nazarina, 25. Kaşuk, 45.
Şaxtyor: Riznık, Qoçoleyşvili, Matviyenko, Azarov, Kozik (Rakitski, 65), Stepanenko (Kastilyo, 75), Nazarina, Krıskiv, Zubkov (Vyunnik, 65), Sikan (Sudakov, 64), Kaşuk (Konoplya, 64).
Minay – Zarya 1:1
Vitençuk, 25-p. – Voloşin, 16.
Vorskla – Çernomorets 2:1
Stepanyuk, 4. Yurçenko, 45 – Perduta, 54-öz qapısına.
Aleksandriya – Polesye 0:3
Nazarenko, 77. Makuana, 80. Budkovski, 88.
LNZ – Metallist 1925 0:1
Yusov, 45.
Obolon – Krivbass 0:0
“Dinamo” – “Veres”, “Rux” – “Dnepr-1” oyunları təxirə salınıb.
1. Şaxtyor 5 3 2 0 10-6 11
2. Rux 4 3 1 0 8-3 10
3. Polesye 5 3 0 2 8-4 9
4. Çernomorets 5 3 0 2 8-6 9
5. Krivbass 5 2 2 1 8-5 8
6. Kolos 5 2 2 1 5-3 8
7. Aleksandriya 5 2 1 2 3-5 7
8. Dinamo 3 2 0 1 10-6 6
9. Metallist 1925 4 2 0 2 3-3 6
10. Vorskla 4 2 0 2 6-8 6
11. Zarya 5 1 2 2 5-7 5
12. Obolon 5 1 2 2 4-7 5
13. Dnepr-1 3 1 1 1 4-4 4
14. LNZ 5 1 0 4 4-7 3
15. Minay 5 0 2 3 3-10 2
16. Veres 4 0 1 3 2-7 1
Bombardirlər: Vanat, Yarmolenko (hər ikisi “Dinamo”), Klimçuk (Rux) – 3.
Növbəti turun oyunları sentyabrın 1-3-ü aralığında keçiriləcək: Veres – Çernomorets, Minay – Şaxtyor, Polesye – Obolon, Zarya – Dinamo, Vorskla – Aleksandriya, Dnepr-1 – LNZ, Kolos – Krivbass, Rux – Metallist 1925.