Ukrayna çempionatının hesabat turunda bir çox maraqlı məqam yaşandı.

"Football-plus.az" xəbər verir ki, “Şaxtyor” uğursuz avrokubok oyununun ardından cari mövsümün kəşflərindən olan “Rux”la oyunda da xal itirdi. 17-ci dəqiqədə hesabı açan “şaxtaçılar” cəmi 4 dəqiqə sonra Rakitskinin meydandan qovulması üzündən çətin vəziyyətə düşdü. “Rux”un aramsız hücumları, nəhayət, 88-ci dəqiqədə bəhrə verdi. Düzdü, bu heç-heçə də “Şaxtyor”u zirvədən salmadı.

6 qolun vurulduğu LNZ – “Dinamo” oyununda qələbəni bayram edən kiyevlilər turnir cədvəlində 4-cü pilləyə yüksəldi. Onlardan irəlidə isə “Krivbass”, “Polesye” və “Çernomorets” qərarlaşıb. Krivoy-Roq klubu səfərdə “Vorskla”nı darmadağın etdi. “Polesye”yə qələbəni soydaşımız, nədənsə Azərbaycan yığmasının məşqçi korpusunun diqqətini çəkməyən Emil Mustafayev qazandırdı. O, 62-ci dəqiqədə meydana çıxdı, 83-cü dəqiqədə isə qələbə topunu vurdu. “Çernomorets” mövsümdəki 5-ci qələbəsini “Aleksandriya” üzərində qazandı, özü də darmadağınla.

Turun qalan oyunların gəlincə, ötən mövsümün gümüş və bürünc medalçılarının duelindən “Dnepr-1” qalib ayrıldı. “Zarya” Koqutun 23-cü dəqiqədə vurduğu qola cavab verə bilmədi. “Obolon” – “Veres”, “Metallist 1925” – “Kolos” oyunlarında qolsuz heç-heçə qeydə alındı.

8-ci tur
Rux – Şaxtyor 1:1
Slyubik, 88 – Sudakov, 17.
Şaxtyor: Riznık, Rakitski, Kozik, Qoçoleişvili, Azarov, Stepanenko, Sudakov (Konoplya, 71), Krıskiv (Kastilyo, 82), Bondarenko (Nazarina, 71), Kelsi (Miroşi, 25), Zubkov (Sikan, 82).
LNZ – Dinamo 2:4
Boyko, 61-p. Pryadun, 90+1 – Brajko, 3. Yarmolenko, 72. Buyalski, 77-p. Voloşin, 90+3.
Dinamo: Buşan, Karavayev, Dubinçak (Malış, 83), Popov (Sirota, 64), Belovar, Yarmolenko, Diallo (Voloşin, 64), Andriyevski (Ramadani, 82), Buyalski, Brajko, Vanat (Benito, 64).
Zarya – Dnepr-1 0:1
Koqut, 23.
Aleksandriya – Çernomorets 1:5
Kravçenko, 72 – Yermakov, 11. Ştoqrin, 18. Kuzık, 30. Boyçuk, 45. Hadida, 77.
Polesye – Minay 2:1
Smolyakov, 68. Mustafayev, 83 – Tverdoxleb, 39.
Vorskla – Krivbass 1:4
Çelyadin, 18 – Zaderaka, 31. Kojuşko, 36; 51. Dibanqo, 82.
Obolon – Veres 0:0
Metallist 1925 – Kolos 0:0
1. Şaxtyor 8 5 3 0 16-8 18
2. Krivbass 8 5 2 1 17-7 17
3. Polesye 8 5 0 3 12-6 15
4. Çernomorets 8 5 0 3 15-10 15
5. Dinamo 5 4 0 1 16-8 12
6. Rux 7 3 3 1 11-7 12
7. Metallist 1925 7 3 2 2 6-5 11
8. Kolos 8 2 4 2 6-7 10
9. Dnepr-1 6 2 3 1 6-5 9
10. Vorskla 7 3 0 4 8-14 9
11. Aleksandriya 8 2 2 4 5-12 8
12. LNZ 8 2 1 5 8-12 7
13. Obolon 8 1 3 4 4-10 6
14. Veres 7 1 2 4 6-10 5
15. Zarya 7 1 2 4 6-10 5
16. Minay 8 0 3 5 6-17 3
Bombardirlər: Yarmolenko (Dinamo), Zaderaka (Krivbass) - 4.
Növbəti turun oyunları sentyabrın 30-u – oktyabrın 2-si aralığında keçiriləcək: Veres – LNZ, Şaxtyor – Vorskla, Çernomorets – Zarya, Minay – Obolon, Krivbass – Rux, Kolos – Polesye, Dinamo – Aleksandriya, Dnepr-1 – Metallist 1925.