“Dinamo” 2-ci turdan sonra liderliyi ələ keçirdi.

"Football-plus.az" xəbər verir ki, kiyevlilər ardıcıl 2-ci oyunda 4 qol vurdu. Vanat 17-ci dəqiqədə hesabı açdı, 31-ci dəqiqədə penaltini dəqiq yerinə yetirən Yarmolenko ilə ölkə çempionatında 100-cü dəfə fərqləndi. Elitanın debütantı “Obolon” 43-cü dəqiqədə fərqi azaltsa da, Buyalski cəmi iki dəqiqə sonra hesabı 1:3 etdi. 2-ci hissə başlayan kimi Kolos yenidən “Obolon” azarkeşlərini ümidləndirdi. Amma Qruşanın 73-cü dəqiqədə meydandan qovulması kiyevlilərin işini asanlaşdırdı. Az sonra daha bir penaltini qola çevirən Yarmolenko kiyevlilərin qələbəsinə şübhə yeri qoymadı.
Ötən mövsümü 2-ci yerdə bitirən “Dnepr-1” isə çətin qələbə qazandı. Bu komandanın əsas ulduzu Dovbikin “Polesye” ilə oyunun start fitindən təxminən bir saat əvvəl “Jirona”ya keçidi elan olundu. “Dnepr-1” ilk yarıda rəqib qapısı önündə praktiki cəhətdən heç bir təhlükə yaratmadı. Baxmayaraq ki, elitanın debütantı olan jitomirlilər artıq 20-ci dəqiqədən azlıqda oynayırdı. 62-ci dəqiqədə Pixalyonok hesabı açanda düşünmək olardı ki, bununla da intriqa bitdi. Ancaq 88-ci dəqiqədə Koqutun səbəbkar olduğu penaltini Yanakov qola çevirdi. Hər halda, 1-ci uzatma dəqiqəsində “Dnepr-1” qələbəni qopara bildi. Bu komanda ötən mövsüm olduğu kimi, yenə də hakimin final fitinə qədər mübarizə aparmaq bacarığı ilə seçilir.
Bürünc medalçı “Zarya” cari mövsümə faciəvi başlayıb. Luqansklılar bu dəfə Lvovda “Krivbass”a uduzdu. Baxmayaraq ki, hesabı məhz nominal meydan sahibləri açmışdı.

Turun qalan oyunlarına gəlincə, “Vorskla”nı darmadağın edən “Rux” və “Metallist 1925”i minimal hesabla yenən “Aleksandriya” da 6 xal toplamaqla zirvəyə şərikdi. Roman Qriqorçukun çalışdırdığı “Çernomorets” səfərdə “Kolos”a uduzdu. Nəhayət, LNZ-nin tarixi qələbə qazandığını da vurğulayaq. Çerkassk klubu ölkə çempionatının elitasında ilk qələbəsini “Minay”la oyunda gerçəkləşdirdi. Özü də darmadağınla!

2-ci tur
Obolon – Dinamo 2:4
Çernenko, 43. Karas, 50 – Vanat, 17. Yarmolenko, 31-p.; 76-p. Buyalski, 45.
Dinamo: Buşan, Sirota, Dyaçuk, Dubinçak (Vivçarenko, 82), Tımçik, Yarmolenko, Buyalski, Sidorçuk (Brajko, 64), Şaparenko (Şepelev, 64), Kabayev (Voloşin, 46), Vanat (Diallo, 82).
Dnepr-1 – Polesye 2:1
Pixalyonok. 62. Babenko, 90+1 – Yanakov, 88-p.
Dnepr-1: Kinareykin, Kapliyenko (Bill, 89), Adamyuk, Miroşniçenko (Svatok, 67), Pasiç (Tançik, 46), Sarapi, Babenko, Pixalyonok, Rubçinski (Koqut, 64), Tretyakov (Kivinda, 64), Minqo.
Minay – LNZ 0:3
Boyko, 45. Pryadun, 53. Naumets, 79.
Aleksandriya – Metallist 1925 1:0
Şulyanski, 37.
Zarya – Krivbass 1:3
Antyux, 4-p. – Lunev, 43-p. Prixodko, 57. Debelko, 90+5.
Kolos – Çernomorets 2:0
Veleten, 77. Surikov, 88.
Rux – Vorskla 4:1
Klimçuk, 36-p.; 58. Kvasnitsa, 70. Pavlyuk, 81-öz qapısına – Sklyar, 10.
Bu turun “Veres” – “Şaxtyor” oyunu (1:1) avqustun 2-də keçirilib.

1. Dinamo 2 2 0 0 8-3 6
2. Rux 2 2 0 0 6-2 6
3. Aleksandriya 2 2 0 0 2-0 6
4. Kolos 2 1 1 0 2-0 4
5. Şaxtyor 2 1 1 0 3-2 4
6. LNZ 2 1 0 1 3-2 3
7. Polesye 2 1 0 1 3-2 3
8. Krivbass 2 1 0 1 3-2 3
9. Dnepr-1 1 1 0 0 2-1 3
10. Çernomorets 2 1 0 1 2-2 3
11. Obolon 2 0 1 1 2-4 1
12. Veres 2 0 1 1 1-3 1
13. Metallist 1925 2 0 0 2 1-3 0
14. Zarya 2 0 0 2 2-5 0
15. Vorskla 1 0 0 1 1-4 0
16. Minay 2 0 0 2 1-7 0
Növbəti turun oyunları avqustun 12-13-də keçiriləcək: Çernomorets – Obolon, Kolos – Veres, Polesye – Rux, Şaxtyor – Aleksandriya, Minay – Dnepr-1, Vorskla – Zarya, Krivbass – LNZ, Dinamo – Metallist 1925.
Bombardirlər: Vanat (Dinamo), Klimçuk (Rux) – 3.