İdmançılar olimpiya kəndində hicabla gəzəcək
Beynəlxalq Olimpiya Komitəsi (BOK) Paris Olimpiadasında idmançıların hicab taxması ilə bağlı məsələyə münasibət bildirib.
"Football-plus.az" xəbər verir ki, bu barədə BOK-un Atletlər Komissiyasının üzvü Astrid Yakobsen jurnalistlərə açıqlama verib. O, iştirakçıların olimpiya kəndində hicab və başqa dini geyimləri məhdudiyyətsiz geyinə biləcəklərini söyləyib:
"Onların yarışda istifadəsi beynəlxalq federasiyalar tərəfindən təmzimlənəcək və qurumların qaydaları tətbiq olunacaq".
Yakobsen qeyd edib ki, BOK yarışlarda hicabdan istifadə ilə bağlı vəziyyətə aydınlıq gətirmək üçün Fransanın hakimiyyət orqanları və Milli Olimpiya Komitəsi ilə sıx əməkdaşlıq edəcək.
Xatırladaq ki, Paris Olimpiadası gələn il 26 iyul - 11 avqust aralığında keçiriləcək.
Digər xəbərlər
