Ukrayna rəsmiləri Beynəlxalq Olimpiya Komitəsinə (BOK) xəbərdarlıq edib.

Bu ölkənin idman naziri Vadim Quttsayt Fransanın paytaxtı Parisdə keçiriləcək Yay Olimpiya Oyunlarını boykot edə biləcəklərini açıqlayıb. O, Rusiya və Belarus idmançılarının iştirakına icazə veriləcəyi təqdirdə Olimpiadaya qatılmayacaqlarını bildirib. Qurumun bununla bağlı BOK-a rəsmi məktub göndərdiyi də vurğulanıb.

Xatırladaq ki, Paris Olimpiadasının gələn il 26 iyul – 11 avqust aralığında keçirilməsi planlaşdırılır.