Təyyarə gecikdi, Arteta danışa bilmədi

“Arsenal”ın baş məşqçisi Mikel Artetanın Çempionlar Liqasının liqa mərhələsinin 1-ci turunun “Napoli” ilə oyunundan əvvəlki mətbuat konfransı baş tutmayıb.

Konfransının ləğvinə İngiltərədə hava hərəkətinə nəzarətlə bağlı yaranan problem səbəbindən komandanın təyyarəsinin gecikməsi səbəb olub. “Arsenal”ın Neapola yerli vaxtla saat 21.30-dan tez çatmayacağı bilindiyi üçün Artetanın jurnalistlərlə görüşü baş tutmayıb.

UEFA adətən media qarşısındakı öhdəliklərini yerinə yetirməyən komandaları cəzalandırır. Lakin yaranmış vəziyyəti nəzərə alan qurumun “Arsenal”ı cərimə etməyəcəyi bildirilib.