Mitev: "Fasilədə verdiyimiz qərarlar özünü doğrultdu"
"Sabah" FİBA Avropa Kubokunun təsnifat mərhələsinin ikinci oyununda Şimali Makedoniya "Rabotniçki"sinə 83:81 hesablı ilə qalib gəlib.
"Football-plus.az" xəbər verir ki, bu görüşdən sonra "tələbələr"in baş məşqçisi Boban Mitev qələbəni şərh edib:
"Oyunçularımı təbrik edirəm. Onlar xüsusilə də fasilədən sonra oyundan qopmadılar. İlk hissədəki səhvləri təkrarlamadılar. Fasilədə verdiyimiz qərarlar özünü doğrultdu. Oyunun gedişatını dəyişməyi bacardıq. İlk oyunda olduğu kimi bu dəfə də oyunun sonlarında yaxşı oynamadıq. Bu da komandanın avrokubok təcrübəsinin az olmasından irəli gəlir. Lakin daha yaxşı oyun sərgiləyəcəyimizə inanıram. "Rabotniçki" klubuna cari mövsümdə uğurlar arzulayıram".
Digər xəbərlər
