"Əvvəlcə onu bildirim ki, FIBA-nın Avropa Kubokunun təsnifat mərhələsinin yayını ilə bağlı bəzi qaydaları var. Qurum ev sahibi komanda qarşısında minumum tələblər qoyur. Bu tələb ondan ibarətdi ki, oyunların çəkilişi üçün cəmi iki kamera kifayət edir. Bu isə "Yutub"da stream üçün nəzərdə tutulub. Təsnifat mərhələsinin bütün görüşləri, o cümlədən "Sabah"ın oyunları FIBA-nın rəsmi "yutub" kanalında online stream olacaq, canlı yayınlanacaq. Teleyayınla bağlı məcburi öhdəlik müntəzəm çempionatın ilkin qrup mərhələsindən başlayacaq. Burda artıq oyunların televiziyada yayını, siqnalın peykə çıxarılması məcburi olacaq və çəkiliş ən azı 4 kamera ilə aparılacaq.

Biz hazırda öyrənməyə çalışırıq ki, Şimali Makedoniyada oyunlar televiziya ilə canlı yayınlanacaqmı? Yayınlanacaqsa, bu hansı telekanaldı? Onlar bizə yayını texniki cəhətdən ötürmək qabiliyyətindədimi və bu hansı şərtlərlə mümkündü?".