Dünən Danimarka çempionatının 10-cu turunda ''Kopenhagen'' öz meydanında ''Midtyulland''a 0:2 hesabı ilə məğlub oldu.

"Football-plus.az" xəbər verir ki, matça damğa vuran olan oyunun son anlarına yaxın qonaq fanatların açdığı pankart oldu. Bilindiyi kimi bu mövsüm Çempionlar Liqasının qrup mərhələsinin 1-ci turunda ''Kopenhagen'' İstanbulda ''Qalatasaray''ın qonağı olmuşdu. Danimarka çempionu 2 topluq üstünlüyü qoruya bilməmiş və oyun 2:2-lik bərabərliklə yekunlaşmışdı. Matçın ardından ''Kopenhagen''in qapıçısı Kamil Qrabara böyük qalmaqala səbəb olan bir paylaşım etmiş və ''Rams Park''ı nəzərdə tutaraq ''bu zibil (p*x) çuxurunda qələbəyə layiq idik'' ifadəsini yazmışdı. Polşalı qapıçı sonradan həmin ifadəni dəyişərək onu ''bu zibil oyunda qələbəyə layiq idi'' sözü ilə əvəzləmişdi. ''Qalatasaray''ın hətta Qrabaradan UEFA-ya şikayət etmək istədiyi də məlum olmuşdu. Dünənki oyunun sonlarında isə ''Midtyulland'' fanatları Qrabaraya onun sözünü belə desək, yedizdirdi! Belə ki, ''Parken'' stadionunda qonaqlar üçün ayrılan tribunada üzərində ''bu zibil (p*x) çuxurunda asan qələbə'' ifadəsi yazılmış pankart açıldı.

ƏLİ