“Kopenhagen”in qapıçısı Kamil Qrabara son günlərdə bəlkə də “Qalatasaray” fanatlarının ən çox nifrət etdiyi şəxslərdən biridi.

Hərçənd 24 yaşlı polşalı sanki özü qəsdən nifrət obyektinə çevrilməyə çalışır. Bu qapıçı hələ oyundan öncə verdiyi açıqlama ilə diqqət mərkəzinə düşməyi bacarmışdı.

“Kopenhagen” İstanbula ayaq basandan sonra Qrabara hava limanında türkiyəli jurnalistlərlə söhbət edərkən “Fənərbaxça” fanatlarının “Qalatasaray” fanatlarından daha yaxşı olduğunu eşitmişəm” sözü ilə bir andaca gündəmi zəbt etmişdi. “Bunu sənə kim deyib” sualına isə “Polşada yaxın bir dostum” cavabını vermişdi. Təbii ki, qapıçı bu sözlərdən sonra “Rams Park” stadionuna ayaq basdığı ilk saniyədən etibarən düz oranı tərk edənə qədər “Qalatasaray” fanatlarının etirazı və fit sədaları ilə üzləşdi. Amma Qrabara bununla kifayətlənmədi. Qapıçı oyun bitəndən sonra bu dəfə qalmaqallı paylaşım etdi. O, “instaqram” səhifəsində “Kopenhagen”in “Qalatasaray”la oyundan öncə çəkilmiş şəklini paylaşaraq “bu zibil (əslində isə qapıçı burda daha betər – “*ox” sözünü işlədir – Ə.R.) çuxurundan 3 xalla ayrılmağa layiq idik” ifadəsini yazdı.

Böyük etirazla üzləşəcəyini bildiyi üçün paylaşımın şərh hissəsini bağlayan Qrabara daha sonra həmin ifadəni dəyişərək onu “bu zibil oyundan 3 xalla ayrılmağa layiq idik” cümləsi ilə əvəzlədi. Təbii ki, şərh hissəsi bağlı olduğu üçün “Qalatasaray”lılar qapıçının sondan əvvəlki paylaşımına hücum etdilər. Qapıçının əvvəlki paylaşımlarına orta hesabla 500 şərh yazılıbsa, hazırda sondan əvvəlki paylaşımı “Cim-Bom”luların “ürək sözləri” ilə doludu və orda 12 minə yaxın şərh var! “Qalatasaray”lılar bununla da kifayətlənməyərək Qrabaranın həyat yoldaşı Dominika Robakın da səhifəsini taparaq ona təhqirlər və təhdidlər yağdırıblar. Bu xanım da öz növbəsində aldığı təhdidlərdən bəzilərini paylaşaraq “necə bir dünyada yaşayırıq?” paylaşımını edib.

“Qalatasaray”ın Qrabaradan UEFA-ya şikayət etməyə hazırlaşdığı məlum olub. Başqan Dursun Özbək dünən bir tədbirdə açıqlama verərkən bu mövzuya da toxunub: