Yığma üzvü danışdı: "Peşəkar oyunçularıq, belə şeylərə fikir vermirik"
Qadın futbolçulardan ibarət yığma Millətlər Liqasındakı çıxışı ilə diqqəti üzərinə çəkməyi bacardı.
Milli qrupda keçirdiyi ilk oyunda Bakıda Cənubi Kiprlə heç-heçə etdi, səfərdə isə Monteneqro üzərində qələbə qazandı (1:0). "Football-plus.az" olaraq, bu matçlarla bağlı yığmanın müdafiəçisi, hazırda Yunanıstan PAOK-unda çıxış edən Ayşən Əhmədovanın fikirlərini öyrəndik:
"Əvvəlcədən məqsədimiz qrupdan çıxmaqdı. Yalnız bu haqda düşünürük. Kiprlə Bakıdakı matçda 3 xal qazanmaq istəyirdik, təəssüflər olsun, son dəqiqələrdə qol buraxdıq. Çalışırıq ki, qrupu lider kimi bitirək. Hazırkı nəticəmiz də bizi qane edir. Qrupdakı bütün rəqiblərə eyni baxırıq. Sadəcə, işimizi görürük ki, ölkəmizi, bayrağımızı yüksəklərə qaldıraq. Bizə qarşı tənqidlərə gəlincə, peşəkarıq, belə şeylərə fikir vermirik. Öz yolumuz var, o yolla da irəliləyirik".
Əhmədova PAOK-dakı durumu barədə də danışdı:
"Burdakı işlərim qaydasındadı. Ötən il bu komanda çempion olmuşdu. Bu mövsüm də hədəfimiz çempionluqdu. Təəssüf ki, avrokuboklar bizim üçün uğurlu keçmədi və qrupda qaldıq".
CAVİD ƏLİYEV
Digər xəbərlər
