“Sentyabrın 18-dən Mərdəkanda hazırlıq keçirik. 23 futbolçunu komandaya cəlb etmişik. Şükürlər olsun, hər şey qaydasındadı. Sadəcə, Vüsalə Seyfəddinova klubunda zədələnmişdi və həkimlər onunla işləyir. Gündə iki məşq olmaqla hazırlıq keçirik. Bu gün saat 5-də son məşqimizə çıxacağıq. Komandada ab-hava yaxşıdı. Bilirsiz ki, ilk oyunlar həmişə çətin olur. Bu turniri uzun müddətdi gözləyirdik. Eyni səbətdə olan millilər bir-birinə rəqib olub. Hazırda bütün diqqətimizi Cənubi Kiprlə oyuna yönəltmişik. Həm sabah oynayacağımız rəqibi, həm də Monteneqronu təhlil etmişik. Məqsədimiz qrupdan lider kimi çıxmaqdı. Sabah bizimlə barəbər Monteneqro yığması da oyuna çıxacaq. O matça da baxıb təhlil edəcəyik. Ancaq yenə də əsas bizim üçün Cənubi Kiprlə oyundu. Doğma meydanda çıxış edəcəyimizə görə qələbə qazanmaq niyyətindəyik. Burda alacağımız yaxşı nəticə 26-da Monteneqro ilə oyuna motivasilaylı çıxmağımıza şərait yaradacaq”.