Asanlıqla çempion olacağı gözlənilən ''Trabzonspor''kəskin eniş yaşamaqda və xalları sağa sola paylamaqda davam edir.

Dünən superliqanın 33-cü turu çərçivəsində Trabzon təmsilçisi özmeydanında ''Fatih Karagümrük''lə 1:1 bərabərə qaldı. Ardıcıl 4-cü oyunda qələbəyə həsrət qalan Abdulla Avcının kollektivinin son 6 turda cəmi 1 qələbəsi var. Başqa sözlə desək, ilk 27 turda cəmi 15 xal itirən ''Trabzonspor'' son 6 turda artıq 11 xal itirib! Bu arada Avcının aprel sindromu davam edir. Aprel 58 yaşlı mütəxəssisin karyerasında ən uğursuz ay sayılır. Onun çalışdırdığı klublar indiyə qədər apreldə oynadıqları 51 matçın cəmi 19-da, yəni 37 faizində qalib gəliblər. Bu qəribə sindrom ''Trabzonspor''da daha qabarıq şəkildə özünü biruzə verir. Komanda Avcının dönəmində apreldə keçirdiyi ümumilikdə 10 superliqa matçının cəmi 1-də (!) qalib gəlib (9 heç-heçə). Bundan başqa ''Fatih Karagümrük''ün çalışdırıcısı Volkan Dəmirəlin bu rəqibə qarşı uğurlu seriyası göz oxşayır. Dəmirəl futbolçu və baş məşqçi kimi ''Trabzonspor''a qarşı keçirdiyi son 25 matçın heç birində məğlubiyyət acısı yaşamayıb (14 qələbə, 11 heç-heçə)!

ƏLİ RAUFOĞLU