“Red Bull” Mühəndislər kubokunu qazandı
Yaponiya mərhələsi bu mövsüm Maks Ferstappenin çempionluğundan başqa hansısa nəticəyə ümid etməyin əsassız olduğunu bir daha göstərdi.
“Red Bull”un niderlandlı pilotu 2023-cü ildə 13-cü qələbəsini qazandı. “Maklaren”in pilotu Lando Norris fəxri kürsünün 2-ci, onun komanda yoldaşı Oskar Piastri isə 3-cü pilləsinə qalxdı.
Xalını 623-ə çatdıran “Red Bull” mövsümün sonuna altı mərhələ qalmış Mühəndislər kubokunu qazanmağın sevincini yaşadı. “Öküzlər”in ən yaxın izləyicisi “Mersedes” artıq onlardan 318 xal geri qalır və liderlik üçün nəzərə şansını da itirib.
“Red Bull” ardıcıl 2-ci, tarixində 6-cı dəfə bu kuboku qazandı. Komanda indiyə qədər yalnız bir dəfə - 12 il əvvəl belə nəticə göstərmişdi. Onda avstriyalılar ardıcıl 4 il (2010-13) Mühəndislər kubokunu qazanmışdı.
Şəxsi hesabda lider Ferstappendi. Hesabında 400 xal olan niderlandlı artıq oktyabrın 6-8-i aralığında Qətərdə keçiriləcək mərhələdə ardıcıl 3-cü dünya çempionluğunu bayram edə bilər.
“Red Bull”un rəhbəri Kristian Horner komandanın Mühəndislər kubokundakı erkən qələbəsini belə şərh edib:
“Bizim üçün möhtəşəm yarış oldu. Ümumiyyətlə, bu il bizim üçün möhtəşəmdi. Bu uğurlar Milton-Keynsdəku bazada çalışan kişilərin və qadınların gücünü göstərir. Hər kəs uğur yolunda əlindən gələni edib, qələbələrə bacardığı töhfəni verib. Maks isə hazırda başqa planetdən olan adama bənzəyir”.
Təsnifat mərhələsi
1. Maks Ferstappen (Niderland) 1.28,877
2. Oskar Piastri (Avstraliya) 1.29,458
3. Lando Norris (B.Britaniya) 1.29,493
4. Şarl Lekler (Monako) 1.29,542
5. Serxio Peres (Meksika) 1.29,650
6. Karlos Sayns (İspaniya) 1.29,850
7. Lüis Hemilton (B.Britaniya) 1.29,908
8. Corc Rassell (B.Britaniya) 1.30,219
9. Yuki Sunoda (Yaponiya) 1.30,303
10. Fernando Alonso (İspaniya) 1.30,560
11. Liam Louson (Yeni Zelandiya) 1.30,508
12. Pyer Qasli (Fransa) 1.30,509
13. Aleksandr Albon (Tayland) 1.30,537
14. Esteban Okon (Fransa) 1.30,586
15. Kevin Maqnussen (Danimarka) 1.30,665
16. Valtteri Bottas (Finlandiya) 1.31,049
17. Lens Stroll (Kanada) 1.31,181
18. Niko Hülkenberq (Almaniya) 1.31,299
19. Quanyuy Çjou (Çin) 1.31,398
20. Loqan Sarcent (ABŞ) -
Həlledici mərhələ
307,471 km (5807 metrlik 53 dövrə)
1. Maks Ferstappen Red Bull 1:30.58,421
2. Lando Norris Maklaren +19,387
3. Oskar Piastri Maklaren +36,494
4. Şarl Lekler Ferrari +43,998
5. Lüis Hemilton Mersedes +49,376
6. Karlos Sayns Ferrari +50,221
7. Corc Rassell Mersedes +57,659
8. Fernando Alonso Alpin +1.14,725
9. Esteban Okon Alpin +1.19,678
10. Pyer Qasli Alpin +1.23,155
11. Liam Louson Alfa Tauri 1 dövrə
12. Yuki Sunoda Alfa Tauri 1 dövrə
13. Quanyuy Çjou Alfa Romeo 1 dövrə
14. Niko Hülkenberq Haas 1 dövrə
15. Kevin Maqnussen Haas 1 dövrə
Serxio Peres (Red Bull), Aleksandr Albon (Uilyams), Loqan Sarcent (Uilyams), Lens Stroll (Aston Martin) və Valtteri Bottas (Alfa Romeo) finişə çatmayıb.
Şəxsi birincilik
1. Maks Ferstappen 400 xal
2. Serxio Peres 223
3. Lüis Hemilton 190
4. Fernando Alonso 174
5. Karlos Sayns 150
6. Şarl Lekler 135
7. Lando Norris 115
8. Corc Rassell 115
9. Oskar Piastri 57
10. Lens Stroll 47
11. Pyer Qasli 46
12. Esteban Okon 38
13. Aleksandr Albon 21
14. Niko Hülkenberq 9
15. Valtteri Bottas 6
16. Quanyuy Çjou 4
17. Yuka Sunoda 3
18. Kevin Maqnussen 3
19. Liam Louson 2
Mühəndislər kuboku
1. Red Bull 623 xal
2. Mersedes 305
3. Ferrari 285
4. Aston Martin 221
5. Maklaren 172
6. Alpin 84
7. Uilyams 21
8. Haas 12
9. Alfa Romeo 10
10. Alfa Tauri 5
