“Zirə” Zeblinin cəzası ilə barışmadı
6-cı turun açılış oyunu olan "Zirə" - "Sumqayıt" görüşündə meydan sahiblərindən Pyer Zebli artıq 11-ci dəqiqədə qırmızı vərəqə görərək meydandan qovuldu.
Çərşənbə axşamı isə AFFA İntizam Komitəsi bu hərəkətinə görə futbolçunu 2 oyunluq cəzalandırdı, klubu 1500 manat cərimələdi. Bəs "qartallar" bu qərarla razılaşacaqmı?
"Football-plus.az" saytı olaraq, bu sualı aydınlaşdırmaq üçün klubun sözçüsü Elmar Abdullazadəyə müraciət etdik:
"Futbolçumuza verilən cəza ilə razı deyilik. Ona görə də bu gün apellyasiya şikayəti verdik. Qərarı gözləyirik".
ABDULLA İSMAYILOĞLU
Digər xəbərlər
