“Futbolçumuz zədələnib, ancaq ayağının bir neçə yerdən sınması…”
1-ci liqanın ilk turunun "Araz Saatlı" - "İmişli" oyununda qonaqlardan Rəhim Cəfərli artıq 30-cu dəqiqədə zədələnərək mübarizəni davam etdirə bilmədi. Deyilənə görə, onun ayağı bir neçə yerdən sınıb.
"Football-plus.az saytı olayla bağlı daha dolğun məlumat əldə etmək üçün "İmişli"nin köməkçi məşqçisi Ruhid Usubovla əlaqə saxladı:
"Futbolçumuz zədələnib. Amma onun ayağının bir neçə yerdən sınması xəbəri doğru deyil. Futbolçumuza ilkin tibbi yardım göstərilib. Ardınca MRT müayinəsindən keçib. Ayağının üstündə batıq var. Yəni zədəsi elə də ciddi deyil. Bir-iki həftəyə komanda ilə məşqlərə başlayacaq".
ABDULLA İSMAYILOĞLU
Digər xəbərlər
