"İnstaqram”da "9-luq" adlı hesab var, birinci onlar yalan məlumat yaydı. Əlaqə saxlayıb bunun həqiqəti əks etdirmədiyini deyəndən sonra paylaşımı sildilər. Sonra isə bəzi saytlar yalan xəbəri tirajladılar. Deyirlər ki, futbolçumuza tibbi yardım olunmayıb, komandanın həkimi olmayıb. Komandada 2 institut bitirən Azər Abbasov kimi təcrübəli həkim var və oyunda da bizimlə birgə idi. Yalan xəbər yayanlar futbolçumuza yardıma qaçan həkimi və onun çiynində daşıdığı çantanın arxasına yazılan "İmişli FK" sözünü görməyib?! Görməyiblərsə, deməli, ya gözlərində, ya da peşəkarlıqlarında ciddi problemlər var. Həmçinin qeyd ediblər ki, futbolçu meydanda qalıb və sonda azarkeşlər onu xəstəxanaya aparıbr. Nə qədər Allahsız, vicdansız, qərəzli olasan ki, belə uydurma, absurd məlumat yayasan. Əvvəla, məni futbol camiəmiz tanıyır, özümüzə görə də hörmətimiz var. Nə futbolçu karyeramda, nə də hazırda məşqçi kimi heç vaxt komanda yoldaşımı və futbolçumu atıb gedənlərdən olmamışam. Oyunçularıma münasibətdə tək məşqçi yox, həm də böyük qardaş olmağa çalışmışam. Futbolçumuza kömək edənlər zədə və cəza üzündən oyunu buraxan futbolçularımız olub. İlkin Əliyevlə Tərlan Veysəlli oyunu tribunadan izləyirdi. Hakimin final fitindən sonra da narahat olduqları üçün komanda yoldaşına köməyə gəldilər. Sözüm bəzi "jurnalist”lərə və "sayt”laradı, yazanda heç olmasa, kişiliklərini, vicdanlarını, dürüstlüklərini itirməsinlər. Anlaşılmaz nəsə varsa, birbaşa mənə zəng edib dəqiqləşdirsinlər. Başda mən olmaqla bütün "İmişli" kollektivi daim media nümayəndələrinə açıq olmuşuq və istənilən suallarını cavabsız qoymamışıq. Haqqımızda artıq-əskik yazanları Allaha həvalə edirəm".