“Hələ ki qrupdakı durumumuz baxımından faciəvi bir şey baş verməyib. Biz sabitliyə önəm verməyə çalışırıq. Yığmanın və baş məşqçinin durumunu diqqətlə dəyərləndirəcəyik. Hələlik hər kəsə səbirli olmağı məsləhət görürəm. Təəssüf ki, məşqçimiz oyunsonrası açıqlamalarıyla belə desək, öz ayağına atəş açdı! Üzücü bir durumdu. Onun Yaponiya ilə oyundan sonrakı sözləri çox şanssız açıqlamalardı. Baş məşqçinin yığmanın bəzi üzvləri barədə qənaətləri, təbii ki, önəmlidi. Amma bunları daha sakit ab-havada, futbolçularla üzbəüz görüşərək, eləcə də onların fikrini dinləyərək də paylaşa bilərdi. Kuntsun bu açıqlamalarından sonra futbol ictimaiyyətində ona qarşı yönələn tənqidlər bir qədər də artdı. Amma radikal addımlar atmaq üçün tezdi. Çünki AÇ-2024-ə qatılmaq baxımından şanslarımız davam edir. Biz bütün futbolçularla maraqlanmağa çalışırıq. Mən şəxsən onlarla tez-tez telefonla danışıram. 3 gün öncə Arda Gülər ilə söhbət etdim. Müalicəsinin davam etdiyini və uzağı üç həftəyə məşqlərə başlayacağını bildirdi. Ondan oktyabrda keçirəcəyimiz vacib oyunlar ərəfəsində hazır durumda olmasını istədim. Bu yaxınlarda Çağlar Söyüncünü də Madriddə ziyarət etmək fikrimiz var. Onunla söhbətdə “Arda ilə bir-birimizə qarşı oynayacağıq” deyərək bizi gələn həftə keçiriləcək Madrid derbisinə dəvət etdi”.