"Rumıniya elə ölkədi ki, burda başqa idman növlərinin futzaldan daha çox azarkeşi var. Hətta həndbol belə daha populyardı. Gözlənildiyi kimi, millimizin matçına da maraq çox az idi. Rəsmi statistikada 523 nəfər qeyd etdik.

Qarşılaşmanın afişası belə məhz oyun günü divarlara asıldı. Rumıniya millisini 15-20 nəfərdən ibarət fanklub dəstəkləyirdi. Ümumi mənzərə xoşagələn deyildi. İlk hissə çox sönük keçdi. Hər iki tərəf bir-birindən çəkinirdi. Açıq oyun tərzinə keçid ediləndən sonra isə Rumıniya aşkar üstün oynadı. Stadionun vəziyyəti üzündən uğursuzluq olduğunu deyə bilmərəm. Bu amilin demək olar ki, təsiri olmadı. Millimiz zəif çıxış etdi. Görünür, Rumıniya futzalı çox inkişaf edib, daha əvvəlki vəziyyətdə deyil. Həmçinin burda ölkə çempionatına start verilib və artıq 2 tur geridə qalıb. Bu amilin də məğlubiyyətdə müəyyən qədər rolu ola bilər. Üstəlik yığmamızın ən çox güvəndiyim legionerləri özünü yaxşı tərəfdən göstərmədi. İnşallah, növbəti oyunlarda daha yaxşı oynayarlar".